Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
૫ોલીસ કાફલો ધસી ગયોઃમૃતકના પત્નીએ પોલીસમાં નોંધાવી ફરિયાદઃ આરોપીઓના સગડ દબાવાયાઃ
જામનગર તા.૨૮ : જામનગરના પટેલનગર પાસે ગઈકાલે રાત્રે હાથઉછીના આપેલા રૂ.૧૦ હજાર પરત લેવા ગયેલા એક યુવાન પર પિતા-પુત્રએ છરીથી હુમલો કરતા અને ગળા તથા છાતીના ભાગે છરી વાગી જતાં ગંભીર ઈજા પામેલા આ યુવાનનું મૃત્યુ નિપજ્યું છે અને આ બનાવ હત્યામાં પલટાઈ ગયો છે. પોલીસે મૃતક યુવાનના પત્નીની ફરિયાદ પરથી ફરાર થઈ ગયેલા પિતા-પુત્રના સગડ દબાવ્યા છે.
જામનગરના રણજીત સાગર રોડ પર આવેલા પટેલ નગર પાસે જડેશ્વર ચાર રસ્તા નજીક ગઈરાત્રે સાડા દસેક વાગ્યે શબ્બીરભાઈ ઉર્ફે સદામ ઈકબાલભાઈ થૈયમ નામના યુવાન પર હર્ષદમીલની ચાલી શેરી નં.રમાં રહેતા ધર્મેન્દ્રસિંહ પ્રફુલ્લસિંહ ચૌહાણ તથા નિરંજનસિંહ ધર્મેન્દ્રસિંહ ચૌહાણ નામના પિતા-પુત્રએ છરી વડે પ્રાણઘાતક હુમલો કરી શબ્બીરભાઈને ગંભીર ઈજા પહોંચાડી હતી. હોસ્પિટલ ખસેડાઈ રહેલા આ યુવાનનું મૃત્યુ નિપજ્યું હતું.
આ બનાવની જાણ થતાં પોલીસ કાફલો દોડી આવ્યો હતો. પોલીસે મૃતદેહને પીએમ માટે ખસેડ્યો હતો. સિટી એ ડિવિઝનના પીઆઈ એન.એ. ચાવડા, સિટી ડીવાયએસપી જે.એન. ઝાલા સહિતનો કાફલો પણ આવી પહોંચ્યો હતો. પોલીસે આ વિસ્તારને કોર્ડન કરી તપાસ શરૂ કરતા મૃતક શબ્બીરના પત્ની અકસાબેન આવી પહોંચ્યા હતા. તેઓએ પોતાના પતિની નિરંજનસિંહ અને તેના પિતા ધર્મેન્દ્રસિંહે ગળા તથા છાતીમાં છરીના ઘા ઝીંકી હત્યા કર્યાની ફરિયાદ નોંધાવી છે.
પોલીસે બીએનએસની કલમ ૧૦૩ (૧), ૫૪, જીપી એક્ટની કલમ ૧૩૫ (૧) હેઠળ ગુન્હો નોંધી અકસાબેનનું નિવેદન નોંધ્યું છે. જેમાં તેઓએ જણાવ્યા મુજબ શબ્બીરભાઈએ થોડા દિવસ પહેલાં રિક્ષા ચલાવતા જયરાજસિંહ નામના શખ્સને રૂ.૧૦ હજાર હાથ ઉછીના આપ્યા હતા. તે પૈસા લેવા માટે ગઈકાલે રાત્રે શબ્બીરભાઈ જ્યારે જડેશ્વર ચાર રસ્તા પાસે પહોંચ્યા ત્યારે જયરાજસિંહના સંબંધી ધર્મેન્દ્રસિંહ ચૌહાણ સાથે બોલાચાલી થઈ ગઈ હતી.
ત્યારપછી ઉશ્કેરાયેલા નિરંજનસિંહે પોતાની પાસે રહેલી છરી બહાર કાઢી શબ્બીરભાઈ પર હુમલો કર્યાે હતો અને ગળા પાસે એક ઘા તથા છાતીમાં બીજો ઘા ઝીંકી દીધો હતો. લોહીલુહાણ બની ઢળી પડેલા શબ્બીરભાઈનું મૃત્યુ નિપજ્યું છે. જીવલેણ હુમલો કરી આ યુવાનની હત્યા નિપજાવી બંને પિતા-પુત્ર સ્થળ પરથી પલાયન થઈ ગયા હતા. પોલીસે આરો૫ીઓની શોધખોળ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial