Author: નોબત સમાચાર
ખોટો દાખલો કાઢવાના કેસમાં તત્કાલિન આચાર્યની આગોતરા જામીન અરજી રદ્દ
જામનગર તા.ર૮ : જામનગરના એક વૃદ્ધાના પિતાની સોડસલા ગામમાં આવેલી જમીનમાંથી હક્ક ઉઠાવી લેવાની નોંધ પડાવાઈ હતી. જેમાં જે તે વખતના સોડસલા પ્રાથમિક શાળાના આચાર્યએ ખોટો દાખલો કાઢ્યાનું ખૂલ્યું હતુંં. પોલીસે ગુન્હો નોંધી તપાસ શરૂ કર્યા પછી તત્કાલિન આચાર્યએ આગોતરા જામીન મેળવવા કરેલી અરજી અદાલતે નામંજૂર કરી છે.
જામનગરના રામેશ્વરનગર પાછળના વિસ્તારમાં રહેતા જયોત્સનાબેન રમેશચંદ્ર પુંજાણી નામના વૃદ્ધાએ ખંભાળિયા તાલુકાના સોડસલા ગામમાં આવેલી તેમના પિતા રેવાશંકર ભટ્ટની જમીન અંગે વારસાઈ નોંધની કાર્યવાહીમાં સગા ભાઈ અશોક રેવાશંકર, કિશોર તથા લીલાધર રેવાશંકરે હક્ક ઉઠાવી લેવાની નોટીસમાં બોગસ સહી કર્યાની અને સોડસલા પ્રાથમિક શાળાના તત્કાલિન આચાર્ય ચેતન નટવરલાલ પરમારે ખોટો દાખલો કાઢી આપ્યાની પોલીસમાં ફરિયાદ કરી હતી.
આ કેસમાં પોલીસ દ્વારા ધરપકડ શરૂ કરાઈ હતી. તે દરમિયાન આરોપી પૈકીના ચેતન નટવરલાલે આગોતરા જામીન મેળવવા ખંભાળિયા સ્થિત સેશન્સ કોર્ટમાં અરજી કરી હતી. તે અરજી અદાલતે ડીજીપી એલ.આર. ચાવડાની દલીલો ગ્રાહ્ય રાખી નામંજૂર કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
