ઉધરસથી કંટાળી જઈ નગરના પ્રૌઢાનો ગળાટૂંપોઃ પરપ્રાંતીય યુવાનની આત્મહત્યા

Author: નોબત સમાચાર

ઉધરસથી કંટાળી જઈ નગરના પ્રૌઢાનો ગળાટૂંપોઃ પરપ્રાંતીય યુવાનની આત્મહત્યા

પતિના ઠપકાથી નારાજ યુવતીએ કર્યા ઝેરના પારખાઃ

જામનગર તા.૨૮ : જામનગરના એક પ્રૌઢાએ ઉધરસથી કંટાળી જઈને ગળાટૂંપો ખાઈ જીવતર ટૂંકાવ્યું છે. પતિએ કોર્ટ મેરેજ બાબતે ઠપકો આપતા વડપાંચસરામાં યુવતીએ ઝેરના પારખા કર્યા છે. ઉપરાંત પાણાખાણમાં એક યુવાને અકળ કારણથી ગળાફાંસો ખાઈ જિંદગીનો અંત આણ્યો છે.

જામનગરના ઈન્દિરા કોલોની વિસ્તારમાં રહેતા નર્મદાબેન જીવણભાઈ મકવાણા નામના બાવન વર્ષના પ્રૌઢાને ત્રણેક મહિનાથી ઉધરસ આવતી હતી. દવા લેવા છતાં સારૂ થતું ન હોવાથી કંટાળી ગયેલા નર્મદાબેને ગઈકાલે બપોરે પોતાના ઘરે પંખામાં દુપટ્ટો બાંધી ગળાફાંસો ખાઈ લીધો હતો. આ પ્રૌઢાનંુ મૃત્યુ નિપજ્યું છે. પતિ જીવણભાઈ નાથાભાઈ મકવાણાએ પોલીસને જાણ કરી છે. લાલપુર તાલુકાના વડ પાંચસરા ગામમાં રહેતા રવિના મલાભાઈ સાડમીયા નામના દેવીપૂજક યુવતીએ પોતાના માતાની જાણ બહાર મલાભાઈ રાયમલ સાડમીયા સાથે કોર્ટ મેરેજ કરી લીધા હતા. તેથી પતિ મલાભાઈએ ઠપકો આપતા માઠંુ લાગી આવવાથી ઓગણીસ વર્ષની આ યુવતીએ કોઈ ઝેરી દવાના ઘુટડા ભરી લીધા હતા. સારવાર માટે નગરની જી.જી. હોસ્પિટલમાં ખસેડાયેલી આ યુવતીનું સારવાર દરમિયાન મૃત્યુ નિપજ્યું છે. મલાભાઈનુું પોલીસે નિવેદન નોંધ્યું છે.

જામનગરના ગોકુલનગર પાસે પાણાખાણની શેરી નં.૩માં વસવાટ કરતા મૂળ મધ્યપ્રદેશ રાજ્યના જીરેખા જિલ્લાના વતની ગયાશ્રીરામ હરવિલાસ જજેરીયા નામના પ્રૌઢના ઓગણીસ વર્ષના પુત્ર વિક્રમે ગઈકાલે સાંજે પોતાના ઘરે કોઈ અકળ કારણથી છતના હુંકમાં દુપટ્ટા વડે ગાળીયો બનાવી ગળાટૂંપો ખાઈ લીધો છે. પિતાએ પોલીસને જાણ કરી છે.

જો આપને આ પોસ્ટ ગમી હોય તો શેર કરો...