ખાનગી કંપનીની ટાઉનશીપમાંથી પરપ્રાંતીય પ્રૌઢ ક્યાંક ચાલ્યા ગયા

Author: નોબત સમાચાર

ખાનગી કંપનીની ટાઉનશીપમાંથી પરપ્રાંતીય પ્રૌઢ ક્યાંક ચાલ્યા ગયા

જોગવડની સીમમાંથી યુવાન બન્યો લાપત્તાઃ

જામનગર તા.૨૮ : જામનગરના મોટી ખાવડીમાં આવેલી ખાનગી કંપનીની ટાઉનશીપમાં રહેતા કર્મચારી શનિવારે સવારે ઓફિસે જવાનું કહી ક્યાંક ચાલ્યા ગયા છે. જ્યારે જોગવડ સીમમાં રહેતા એક પરપ્રાંતીય યુવાન પણ ગયા બુધવારે ગુમ થયા છે. પોલીસે બંને વ્યક્તિની શોધખોળ શરૂ કરી છે.

જામનગર-ખંભાળિયા રોડ પર મોટી ખાવડી સ્થિત ખાનગી કંપનીના ટાઉનશીપ સેક્ટર ર૧ અને બિલ્ડીંગ નં.૮માં ફલેટ સી માં વસવાટ કરતા મૂળ બિહારના ભાગલપુર જિલ્લાના વતની વ્રજભૂષણ જગદીશ પ્રસાદ સિંગ (ઉ.વ.પ૬) નામના પ્રૌઢ પોતાના ઘરેથી શનિવારે સવારે નોકરી પર જવાનું કહીને ક્યાંક ચાલ્યા ગયા છે. તેમના પુત્ર આયુષ આનંદે પોલીસને જાણ કરી છે.

ઉપરોક્ત તસ્વીરવાળા પ્રૌઢ ઘઉંવર્ણાે વાન, મધ્યમ બાંધો, છએક ફૂટની ઉંચાઈ ધરાવે છે. તેમના ડાબા હાથમાં વાગ્યાનું જૂનું નિશાન છે. તેમના શરીર પર વનતારા લખેલુ ટી-શર્ટ તથા બ્લેક પેન્ટ અને બ્લુ રંગનું હાફ જેકેટ પહેરેલું છે. તેઓ પોતાની સાથે કંપનીનો ગેઈટ પાસ, ખાનગી બેંકનંુ એટીએમ અને આઈફોન પણ લેતા ગયા છે. આ પ્રૌઢ અંગે કોઈને જાણકારી હોય તો તેઓએ મેઘપરના જમાદાર વી.સી. જાડેજા-૬૩૫૯૬ ૨૭૮૪૯ પર સંપર્ક કરવો.

ઉત્તરપ્રદેશના મથુરાના વતની અને હાલમાં લાલપુર તાલુકાના જોગવડ ગામની સીમમાં વેદપ્રકાશ ગૌરાંજ પાઠક (ઉ.વ.૪૫) નામના યુવાન ગયા બુધવારે રાત્રે સાડા દસેક વાગ્યા પછીથી પોતાના ઘરેથી ક્યાંક ચાલ્યા ગયા છે. તેમના પરિવારે શોધખોળ કર્યા પછી પોલીસને જાણ કરી છે.

જો આપને આ પોસ્ટ ગમી હોય તો શેર કરો...