Author: નોબત સમાચાર
હાપા ઉદ્યોગનગરમાં હિટ એન્ડ રનમાં સાયકલીસ્ટ વૃદ્ધનું મોત
ખટીયા પાટીયા પાસે અકસ્માતમાં ત્રણને ઈજાઃ
જામનગર તા.૧૮ : જામનગરના હાપા ઉદ્યોગનગર વિસ્તારમાં ગઈકાલે બપોરે એક સાયકલચાલક વૃદ્ધને અજાણ્યો ટ્રક ઠોકર મારીને નાસી ગયો હતો. ઘવાયેલા વૃદ્ધનું મૃત્યુ નિપજ્યું છે. ખંભાળિયા રોડ પર ખટીયા પાટીયા પાસે ટ્રકે બોલેરોને ટક્કર મારતા ત્રણ યુવાન ઘવાયા છે.
જામનગરના હાપા માર્કેટ યાર્ડ રોડ પર વ્રજભૂમિ-ર સોસાયટી સામે વસવાટ કરતા લખમણભાઈ ગઢવાણા નામના પ્રજાપતિ પ્રૌઢ ગઈ કાલે બપોરે હાપામાં ચાની ફેક્ટરી પાસેથી સાયકલ પર જઈ રહ્યા હતા.
આ વેળાએ તેઓને કોઈ ટ્રક ઠોકર મારીને નાસી ગયો હતો. રોડ પર પછડાયેલા લખમણભાઈને માથામાં ગંભીર ઈજા થઈ હતી. સારવાર માટે હોસ્પિટલ લઈ જવાયેલા આ વૃદ્ધનું મૃત્યુ નિપજ્યું છે. તેમના પુત્ર રમેશભાઈએ હિટ એન્ડ રનના આ બનાવની પોલીસમાં ફરિયાદ નોંધાવી છે.
જામનગરના ગુલાબનગર પાસે શ્યામ ટાઉનશીપમાં વસવાટ કરતા હિતેશભાઈ નવીનચંદ્ર ભૂવા બુધવારે સાંજે ખંભાળિયા ધોરીમાર્ગ પર ખટીયા પાટીયા પાસેથી જીજે-૧૦-ટીટી ૬૫૬૪ નંબરનો બોલેરો લઈને જતા હતા ત્યારે જીજે-૨૫-યુ ૯૫૯૯ નંબરના ટ્રકે ઠોકર મારી દીધી હતી. આ અકસ્માતમાં હિતેશ તેમજ વિનોદ, સુરજને ઈજા થઈ છે. અકસ્માત સર્જી ટ્રકચાલક નાસી ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
