Author: નોબત સમાચાર
ખાલિસ્તાની હેપ્પી પાસિયા અમેરિકામાં દબોચાયો
પંજાબમાં ૧૪ થી વધુ આતંકી ઘટનાનો માસ્ટરમાઈન્ડ
નવી દિલ્હી તા. ૧૮: આતંકવાદી હેપ્પી પાસિયાની અમેરિકામાં ધરપકડ થઈ છે. ખાલિસ્તાની આતંકવાદી સંગઠન બબ્બર ખાલસા ઈન્ટરનેશનલનો કમાન્ડર છે. તાજેતરમાં પંજાબમાં હેપ્પી પાસિયાના ઈશારે ૧૪ થી વધુ આતંકવાદી ઘટનાઓને અંજામ આપવામાં આવ્યો હતો.
આતંકવાદી હરપ્રિતસિંહ ઉર્ફે હેપ્પી પાસિયાને અમેરિકામાં કસ્ટડીમાં લેવામાં આવ્યો છે. સુરક્ષા એજન્સીઓના જણાવ્યા અનુસાર તાજેતરમાં પંજાબમાં હેપ્પી પાસિયાના ઈશારે ૧૪ થી વધુ આતંકવાદી ઘટનાઓને અંજામ આપવામાં આવ્યો છે.
અમેરિકામાં ઈમિગ્રેશન અને કસ્ટમ્સ એન્ફોર્સમેન્ટ દ્વારા તેમને કસ્ટડીમાં લેવામાં આવ્યા છે. આતંકવાદી હેપ્પી પાસિયા ખાલિસ્તાની આતંકવાદી સંગઠન બબ્બર ખાલસા ઈન્ટરનેશનલનો કમાન્ડર છે. ગુપ્તચર અહેવાલો અનુસાર તે પાકિસ્તાની ગુપ્તચર એજન્સી આઈએસઆઈનો વિશ્વાસુ પ્યાદો બની ગયો છે.
છેલ્લા કેટલાક મહિનામાં પંજાબમાં પોલીસ ચોકીઓ અને અન્ય સ્થળોએ અનેક વિસ્ફોટ થયા છે. મોટાભાગના કિસ્સાઓમાં હેપ્પી પાસિયાનું નામ સામે આવ્યું છે. હેપ્પી પાસિયાએ પોતે કેટલાક હુમલાઓની જવાબદારી લીધી છે.
હેપ્પી પાસિયા પર પંજાબના સ્થાનિક યુવાનોને પૈસાની લાલચ આપીને અને હુમલા કરવા માટે પ્રેરિત કરીને તેમનો ઉપયોગ કરવાનો આરોપ છે. હેપ્પી પાસિયાએ તાજેતરમાં ચંદીગઢના સેક્ટર ૧૦ મા ગ્રેનેડ હુમલો અને જલંધરમાં ભાજપ નેતા મનોરંજન કાલિયાના ઘરે થયેલા વિસ્ફોટની જવાબદારી લીધી હતી. રાષ્ટ્રીય તપાસ એજન્સીએ તેના પર પાંચ લાખ રૂપિયાનું ઈનામ જાહેર કર્યું હતું અને તેને ભાગેડુ જાહેર કર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
