મેરઠમાં પત્ની અને તેના પ્રેમી દ્વારા નેવીના જવાનના પંદર ટુકડા કરીને ઘાતકી હત્યા નિપજાવીઃ અરેરાટી

Author: નોબત સમાચાર

મેરઠમાં પત્ની અને તેના પ્રેમી દ્વારા નેવીના જવાનના પંદર ટુકડા કરીને ઘાતકી હત્યા નિપજાવીઃ અરેરાટી

થીજી ગયેલા સિમેન્ટથી ભરેલા ડ્રમમાંથી માનવાંગો મળી આવતા હડકંપ

મેરઠ તા. ૧૯: મેરઠના એક ઘરમાં થીજી ગયેલા સિમેન્ટથી ભરેલા પ્લાસ્ટિકના ડ્રમમાં માનવના અંગો મળી આવ્યાના સમાચારથી હંગામો મચી ગયો હતો. લાશ મર્ચન્ટ નેવીમાં કામ કરતા સૌરભ રાજપૂતની હતી, જેની તેની જ પત્નિએ તેના બોયફ્રેન્ડ સાથે મળીને હત્યા કરી હતી.

ઉત્તર પ્રદેશના મેરઠમાં એક ઘરમાં થીજી ગયેલા સિમેન્ટથી ભરેલા પ્લાસ્ટિકના ડ્રમમાંથી શરીરના ભાગો મળી આવ્યાના સમાચારે હંગામો મચાવી દીધો હતો. મર્ચન્ટ નેવીમાં કામ કરતા સૌરભ રાજપૂતની હત્યાના કેસમાં, તેની પત્નિ અને તેના બોયફ્રેન્ડ સિવાય અન્ય કોઈની ધરપકડ કરવામાં આવી નથી.

સૌરભની પત્નિએ તેના બોયફ્રેન્ડ સાથે મળીને તેની હત્યા કરી દીધી. પછી શરીરને ટુકડાઓમાં કાપીને પ્લાસ્ટિકના ડ્રમમાં મૂકવામાં આવ્યું અને સિમેન્ટના દ્રાવણથી ભરવામાં આવ્યું. પોલીસે બંનેને કસ્ટડીમાં લઈને પૂછપરછ કરી ત્યારે સમગ્ર મામલો પ્રકાશમાં આવ્યો. એવું કહેવામાં આવી રહૃાું છે કે સિમેન્ટ મજબૂત હોવાથી મૃતદેહ થીજી ગયો હતો.

આ મામલો મેરઠના બ્રહ્મપુરી પોલીસ સ્ટેશન વિસ્તારના ઇન્દિરાનગરનો છે જ્યાં મર્ચન્ટ નેવીમાં કામ કરતો સૌરભ રાજપૂત તેની પત્ની મુસ્કાન રસ્તોગી અને ૫ વર્ષની પુત્રી સાથે રહેતો હતો. કહેવામાં આવી રહૃાું છે કે હાલમાં તે લંડનમાં પોસ્ટેડ હતો. એવું પણ કહેવામાં આવી રહૃાું છે કે સૌરભ થોડા દિવસો પહેલા લંડનથી મેરઠ આવ્યો હતો. સૌરવ કુમારે ૨૦૧૬ માં પ્રેમ લગ્ન કર્યા હતા અને તે પછી તેનો પરિવાર સાથે વિવાદ ચાલી રહૃાો હતો. ત્રણ વર્ષ પહેલાં, સૌરભે તેની પત્નિ મુસ્કાન સાથે ઇન્દિરાનગરમાં ભાડાના મકાનમાં રહેવાનું શરૂ કર્યું. તેમને એક ૫ વર્ષની પુત્રી પણ હોવાનું કહેવાય છે જે બીજા ધોરણમાં ભણે છે.

સૌરભ ૪ માર્ચે મેરઠ આવ્યો. ૧૦ દિવસ પહેલા મુસ્કાને પડોશના લોકોને કહૃાું હતું કે તે તેના પતિ સાથે હિમાચલ પ્રદેશ જઈ રહી છે અને ત્યાર પછી ઘરનો દરવાજો બંધ થઈ ગયો હતો. તે પછી કોઈએ મુસ્કાન કે સૌરભને જોયા નહીં. આ દરમિયાન, મુસ્કાને તેની માતાને આખી ઘટના જણાવી કે તેણે તેના પ્રેમી સાથે મળીને સૌરભની હત્યા કેવી રીતે કરી હતી. આ પછી, મુસ્કાનની માતા પોલીસ સ્ટેશન પહોંચી અને પોલીસને આખી ઘટના જણાવી.

જ્યારે પોલીસે મુસ્કાનને કસ્ટડીમાં લીધી અને તેની પૂછપરછ કરી, ત્યારે સમગ્ર મામલો પ્રકાશમાં આવ્યો. પત્નિ મુસ્કાને તેના પ્રેમી સાહિલ સાથે મળીને સૌરભની હત્યા કરી હોવાનું બહાર આવ્યું છે. તેમના મૃતદેહને પ્લાસ્ટિકના ડ્રમમાં રાખવામાં આવ્યો હતો અને પછી સિમેન્ટનું દ્રાવણ તૈયાર કરીને ડ્રમમાં રેડવામાં આવ્યું હતું. જેના કારણે મૃતદેહ અંદર થીજી ગયો હતો અને લોકોને તેની ખબર ન પડે તે માટે તેને ઘરની અંદર છુપાવી દેવામાં આવ્યો હતો.

પોલીસે મુસ્કાનના પ્રેમી સાહિલને પણ કસ્ટડીમાં લીધો છે અને બંનેને ઘટનાસ્થળે લઈ આવ્યા છે. બધા લગભગ ૩૦ મિનિટ સુધી અંદર રહૃાા, ત્યારબાદ પોલીસ મુસ્કાન અને તેના પ્રેમી સાહિલને પોલીસ સ્ટેશન લઈ ગઈ. અને તેની પછીથી ધરપકડ કરી હતી. તે પહેલા ૨ કલાક સુધી પ્રયાસ કરવા છતાં, મૃતદેહ ડ્રમમાંથી બહાર કાઢી શકાયો નહીં. અંતે, પોલીસે ડ્રમને મૃતદેહ સાથે પોસ્ટમોર્ટમ ગૃહમાં મોકલી આપ્યો અને ઘણી મહેનત પછી, ડ્રમ કાપીને મૃતદેહને બહાર કાઢવામાં આવ્યો. જેણે પણ આ આખી વાત સાંભળી તે સ્તબ્ધ થઈ ગયો.

જો આપને આ પોસ્ટ ગમી હોય તો શેર કરો...