Author: નોબત સમાચાર
ધ્રોલમાં આર્થિક સંકડામણના કારણે યુવાને કર્યાે આપઘાત
પંખામાં લટકી યુવાને ગળાફાંસો ખાઈ લીધોઃ પુત્રનો મૃતદેહ જોઈ પિતા ઢળી પડ્યા
જામનગર તા.૧૯ : જામનગર જિલ્લાના ધ્રોલમાં રહેતા એક યુવાને આર્થિક ભીંસના કારણે ગળાફાંસો ખાઈ પોતાની જીવાદોરી ટૂંકાવી લીધી હતી. પુત્રના મૃતદેહને પંખે લટકતો જોઈ પિતા પણ બેશુદ્ધ થઈ ગયા હતા. આથી તેઓને સારવાર માટે હોસ્પિટલ લઈ જવાયા હતા જ્યાં જરૂરી સારવાર માટે હોસ્પિટલમાંથી રજા આપવામાં આવ્યા પછી પિતાએ પોતાના પુત્રને અગ્નિ દાહ આપ્યો હતો.
ધ્રોલની વૃંદાવન સોસાયટીમાં રહેતા નિલેશ ભાલચંદ્રભાઈ કવૈયા (ઉ.વ.રર)એ ગત રાત્રિના પોતાના ઘરમાં પંખામાં લટકીને ગળાફાંસો ખાઈ આત્મહત્યા કરી લીધી હતી. આ સમયે ત્યાં દોડી આવેલા તેના પિતા પોતાના પુત્રનો લટકતો મૃતદેહ જોઈને ત્યાં જ બેશુદ્ધ થઈને ઢળી પડ્યા હતા. આ બનાવ અંગે પોલીસમાં જાહેર થયેલી વિગત મુજબ નિલેશ કવૈયા વેલ્ડીંગનું કામ કરતો હતો પરંતુ ધંધો બરાબર ચાલતો ન હોવાથી અને ઘરની આર્થિક પરિસ્થિતિ નબળી હોવાથી ઉપરાંત તેમની માતા પણ ચાલ્યા ગયા હોવાથી એટલે કે લગ્નવિચ્છેદ થયો હોવાથી તેણે આ પગલું ભર્યું છે.
મળતી માહિતી મુજબ પુત્રનો લટકતો મૃતદેહ જોઈને પિતા પણ બેભાન થઈ ગયા હોવાથી તેમને સારવાર માટે હોસ્પિટલ લઈ જવામાં આવ્યા હતા. જ્યાં તેમનું ટૂંકી સારવાર પછી હોસ્પિટલમાંથી રજા આપવામાં આવી હતી અને ઘરે પરત ફર્યા પછી પિતાએ પોતાના મૃતક પુત્રના અંતિમ સંસ્કાર કર્યા હતા. આ બનાવ અંગે પોલીસે વધુ તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
