Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ધ્રોલના સણોસરામાં વોકળામાં ન્હાવા પડેલી યુવતીનું મોતઃ
જામનગર તા.૧૯ : જામનગર-ખંભાળિયા માર્ગ પર આરટીવી હોટલ નજીક ગત તા.૧૪ના રોજ એક વૃદ્ધ રાહદારીને તુફાન ગાડીના ચાલકે હડફેટે લેતા અકસ્માત થયો હતો. જેમાં ગંભીર ઈજા પહોંચવાથી સારવાર માટે હોસ્પિટલમાં દાખલ કરાયા પછી આ વૃદ્ધનું સારવારમાં મૃત્યુ થયું છે. જ્યારે ધ્રોલ તાલુકાના સણોસરા ગામની એક અજાણી મહિલા વોકળાના વહેતા પાણીમાં ન્હાવા જતાં ડૂબી જવાના કારણે તેણીનું મૃત્યુ નિપજ્યું છે.
જામનગર-ખંભાળિયા માર્ગ પર ગોવર્ધન ગ્રીન્સ શેરી નં.રમાં રહેતા કેશવલાલ ઉર્ફે કેશુભાઈ મનજીભાઈ ચાવડા નામના ૭૪ વર્ષના વૃદ્ધ ગત તા.૧૪ માર્ચના સાંજે સવા સાતેક વાગ્યે પોતાના ઘર પાસે જ હોટલ આરટીવી સામે રસ્તો ઓળંગવા જતાં જીજે-૧૦-ટીયુ ૦૮૨૮ નંબરની તુફાન જીપના ચાલકે તેમને હડફેટે લેતા અકસ્માત થયો હતો. આ બનાવમાં કેશુભાઈને ગંભીર ઈજા પહોંચવા સારવાર માટે હોસ્પિટલમાં દાખલ કરવામાં આવ્યા હતા. જ્યાં સારવાર દરમિયાન તેમનું મૃત્યુ નિપજ્યું હતું. આ બનાવ અંગે મૃતકના પુત્ર પ્રફુલભાઈ કેશુભાઈ ચાવડાએ તુફાન જીપચાલક સામે પોલીસમાં ફરિયાદ નોંધાવતા પોલીસ હે.કો. એમ.પી. સિંધવે તપાસ હાથ ધરી છે.
ધ્રોલ તાલુકાના સણોસરા ગામમાં મોહાપીર દરગાહ પાસે વહેતા પાણીના વોકળામાં આશરે પચ્ચીસથી ત્રીસ વર્ષની યુવતી ન્હાવા પડી હતી. પરંતુ તેણીનું પાણીમાં ડૂબી જવાના કારણે મૃત્યુ નીપજ્યું હતું. આ બનાવ અંગે સણોસરા ગામના વિરમદેવસિંહ ગંભીરસિંહ જાડેજાએ પોલીસમાં જાણ કરતા પોલીસ ઈન્સ. એચ.વી. રાઠોડ બનાવ સ્થળે દોડી ગયા હતા અને અજાણી મહિલાના મૃતદેહને કબજે લઈ પોસ્ટમોર્ટમ માટે મેડિકલ કોલેજમાં મોકલી આપ્યો હતો અને હાલ આ મૃતદેહને કોલ્ડ રૂમમાં રાખવામાં આવ્યો છે અને તેની ઓળખ મેળવવા પોલીસે તજવીજ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial