Advertisement
Author: નોબત સમાચાર

બેડેશ્વર ઓવરબ્રિજ નીચેથી બાઈકની ઉઠાંતરી કરનાર શખ્સની કરાઈ અટક

ત્રણ દિવસ પહેલાં બાઈક ચોર્યાની કબૂલાતઃ

જામનગર તા.૭ : જામનગરમાં બેડેશ્વર ઓવરબ્રિજ નીચેથી શુક્રવારે એક આસામીના મોટરસાયકલની ચોરી થયાની પોલીસમાં ફરિયાદ કરવામાં આવી હતી. તપાસમાં રહેલી સિટી બી ડિવિઝન પોલીસે ધરારનગર-ર પાસેથી એક શખ્સને ચોરાઉ મોટરસાયકલ સાથે પકડી પાડી ગુન્હો ઉકેલી નાખ્યો છે.

જામનગરના પંડિત નહેરૂ માર્ગના છેવાડે આવેલા બેડેશ્વર ઓવરબ્રિજ નીચે ચાની એક કેબીન પાસેથી જીજે-૧૦-એએફ ૮૯૨૯ નંબરનંુ ગુલાબ નગર નજીક વિભાપર રોડ પર રહેતા અલ્તાફ હાજીભાઈ ભટ્ટી નામના આસામીનું હીરો મોટર સાયકલ ગઈ તા.૩ની બપોરથી તા.૪ની સવાર સુધીમાં ચોરાઈ ગયું હતું. જેની ફરિયાદ સિટી બી ડિવિઝન પોલીસ સ્ટેશનમાં કરવામાં આવી હતી.

આ ફરિયાદની તપાસ પીઆઈ પી.પી. ઝાની સૂચનાથી સર્વેલન્સ સ્ટાફે શરૂ કર્યા પછી હે.કો. ક્રિપાલસિંહ સોઢા, જયદીપસિંહ જાડેજાને મળેલી બાતમીના આધારે ધરારનગર-ર નજીક સાતનાલા પાસેથી હુસેન સતાર પલેજા નામના શખ્સની અટકાયત કરાઈ હતી. આ શખ્સની પૂછપરછ કરાતા તેણે બેડેશ્વર ઓવરબ્રિજ નીચેથી બાઈકની ચોરી કર્યાની કબૂલાત આપી છે. પોલીસે રૂ.૨૦ હજારનું બાઈક કબજે કરી લઈ આરોપીની ધરપકડ કરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh