વડાપ્રધાનની 'વનતારા'ની મુલાકાતનો વીડિયો આવ્યો સામેઃ અલભ્ય ક્ષણોની અનુભૂતિ

Author: નોબત સમાચાર

વડાપ્રધાનની 'વનતારા'ની મુલાકાતનો વીડિયો આવ્યો સામેઃ અલભ્ય ક્ષણોની અનુભૂતિ

ઈજાગ્રસ્ત ૫શુઓ-વન્યજીવોને સારવાર આપી સુરક્ષિત રખાય, તવું આ અજોડ સ્થાન અનંત અંબાણીએ વિક્સાવ્યું છે, અને તેમાં પોતાની તમામ તાકાત કામે લગાડી છે

વડાપ્રધાન નરેન્દ્ર મોદીએ તાજેતરમાં ત્રણ દિવસીય ગુજરાત પ્રવાસમાં જામનગરમાં વનતારાની મુલાકાત લીધી. પીએમ મોદીની વનતારાની મુલાકાતનો વીડિયો સામે આવ્યો. આ વીડિયોમાં દેખાય છે. પીએમ મોદીએ વનતરામાં હાથી, સસલા તેમજ વાનર સાથે અદ્ભુત ક્ષણોનો આનંદ માણ્યો. પીએમ મોદી વનતારામાં રહેતા વન્યજીવોને ખોરાક ખવડાવે છે તો ક્યાંક સસલા જેવા કોમળ પ્રાણીના માથે હાથ ફેરવી પ્રેમ દર્શાવે છે. વનતારામાં વન્યપ્રાણીઓ સાથે અદ્ભુત ક્ષણો માણવા ઉપરાંત ત્યા સારવાર લઈ રહેલ પશુ ચિકિત્સકની કામગીરી પણ નિહાળી. પીએમ મોદીએ વનતારામાં લેવાતી વન્યપ્રાણીઓને કાળજીને લઈને અનંત અંબાણીને અભિનંદન પણ આપ્યા હતાં. જામનગરમાં આવેલ વનતારા રિલાયન્સ ઈન્ડસ્ટ્રીઝનો ડ્રિમ પ્રોજેક્ટ છે. ભારતના દિગ્ગજ ઉદ્યોગપતિ મુકેશ અંબાણીના પુત્ર અનંત અંબાણીએ ગુજરાતના જામનગરમાં પ્રાણીઓ માટે એક ખાસ સ્થાન બનાવ્યું છે. પ્રાણીઓના આ વિશેષ સ્થાન 'વનતારા' તરીકે પ્રચલિત છે. વનતારા એ વન્યજીવોનું વિશેષ સ્થાન કહી શકાય. કેમ કે ત્યાં પ્રાણીઓ અને પશુઓને લોકોના આનંદ માટે નહીં, પરંતુ સારવાર આપવા લાવવામાં આવે છે. વનતરા હેઠળ ઈજા પામેલ, ત્યજી દેવામાં આવેલ તેમજ સિંહ અને દિપડા જેવા શિકારી પ્રાણીઓથી બચાવવા હરણ જેવા પ્રાણીઓને આશ્રય અને પુનઃવસવાટ કરવામાં આવે છે. અનંત અંબાણીના વન્ય પ્રાણીઓ પ્રત્યે આ અદ્ભુત પ્રેમને લઈને રિલાયન્સ ફાઉન્ડેશન અને રિલાયન્સ ઈન્ડસ્ટ્રીઝ દ્વારા જામનગરમાં ૩૦૦૦ એકરના ગ્રીનબેલ્ટમાં પ્રાણીઓ માટે આ રેસ્ક્યુ સેન્ટર ઊભું કરવામાં આવ્યું છે.

વિડિયો:

https://www.youtube.com/embed/6QFVhGxQqCo?si=w-6TJe8gaeUys_Vy

જો આપને આ પોસ્ટ ગમી હોય તો શેર કરો...