Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
બે તોલા વજનનો વેઢલો ઝૂંટવી લેવાયોઃ
જામનગર તા.૪ : લાલપુરના સણોસરી ગામના એક પ્રૌઢા ગઈકાલે સાંજે લાલપુર શહેરમાં ગુજરીબજાર ગેઈટ પાસેથી જતા હતા ત્યારે એક શખ્સે તેમના કાનમાંથી સોનાના બે તોલા વજનના વેઢલાની લૂંટ કરી પોબારા ભણી લીધા હતા. આ બાબતની પોલીસમાં ફરિયાદ કરવામાં આવતા પોલીસે ગુન્હો નોંધી તે વિસ્તારના સીસીટીવી ફૂટેજ ચકાસી આરોપીના સગડ દબાવ્યા છે.
લાલ૫ુર તાલુકાના સણોસરા ગામમાં રહેતા મટુબેન મેરામણભાઈ ખવા નામના બાવન વર્ષના પ્રૌઢા ગઈકાલે સાંજે લાલપુર શહેરમાં ભરાતી ગુજરીબજારના ગેઈટ પાસેથી પસાર થતાં હતા.
આ વેળાએ ૫ચ્ચીસેક વર્ષ ની વયનો લાગતો મધ્યમ બાંધાનો એક શખ્સ આવી ચઢયો હતો. આ શખ્સે વીજળીક ઝડપે મટુબેનના કાનમાંથી અંદાજે બે તોલા વજનનો સોનાનો વેઢલો ઝૂંટવી દોટ મૂકી હતી. અચાનક બનેલા આ બનાવથી હેબતાયેલા મટુબેન કંઈ સમજે તે પહેલાં આ શખ્સ પોબારા ભણી ગયો હતો. મટુબેને રૂ. ૯૦ હજારની કિંમતનો સોનાનો વેઢલો લૂંટી જવા અંગે અજાણ્યા શખ્સ સામે લાલપુર પોલીસ સ્ટેશનમાં ફરિયાદ નોંધાવી છે. પોલીસે ગુન્હો નોંધી તે વિસ્તારના સીસીટીવી ફૂટેજ ચકાસવાનું શરૂ કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial