Advertisement
Author: નોબત સમાચાર

જામનગરના વાણિયા ગામમાં મહારકતદાન કેમ્પ યોજાયો

સામાજિક અગ્રણી સ્વ. બકુલસિંહ જાડેજાની પુણ્યતિથિ નિમિત્તે

જામનગર તા. ૧૨: જામનગર જિલ્લા રાજપૂત સમાજના પૂર્વ આગેવાન, સામાજિક અગ્રણી એવા વાણિયા ગામના પનોતા પુત્ર સ્વ.બકુલસિંહ કિરીટસિંહ જાડેજાની પ્રથમ વાર્ષિક પુણ્યતિથિ નિમિત્તે તેમનાં પુત્ર  ગીરીરાજસિંહ બકુલસિંહ જાડેજા (રામભાઇ) મહામંત્રી-જામનગર જિલ્લા યુવા ભાજપ દ્વારા મહારકત્તદાન કેમ્પ, જી.જી.હોસ્પિટલને સાત સ્ટ્રેચર અર્પણ, વાણિયા ગામનું ધુમાડાબંધ જમણવાર, ગામની ગાયોને નીરણ આપવા જેવા વિવિધ સામાજીક કાર્યો કરવામાં કરવામાં આવ્યા હતા.

સ્વ.બકુલસિંહની પુણ્યતિથિ નિમિત્તે યોજાયેલ મહારકત્તદાન કેમ્પમાં ૩૫૧ થી વધુ રકત્તદાતાઓએ રકત્તદાન કર્યુ હતું, એકત્ર થયેલ તમામ  રકત્ત જામનગરની જી.જી. હોસ્પિટલમાં જમા કરવામાં આવ્યું હતું.

આ સેવાકિય પ્રવૃત્તિ વેળાએ જામનગર આણદાબાવા આશ્રમના મહંત શ્રી દેવપ્રસાદજી મહારાજ, સ્વામિનારાયણ મંદિરનાં મહંત શ્રી ચર્તુભુજદાસજી મહારાજ, સરધાર સ્વામિ નાયરાણ મંદિરના મહંત શ્રી, વાણિયા ગામ હનુમાનજી મંદિરના મહંત શ્રી પ્રવિણગીરી બાપુ, પીપર ટોડાના મનિષ અદા  સહિતના સંતો-મહંતોના આશિર્વચન પ્રાપ્ત થયા હતા.

આ કાર્યક્રમમાં ડો.વિનુભાઇ ભંડેરી (પ્રમુખ,જામનગર જિલ્લા ભાજપ), રમેશભાઇ મુંગરા(પૂર્વ પ્રમુખ-જામનગર જીલ્લા ભાજપ), દિલીપભાઇ ભોજાણી(મહામંત્રી-જામનગર જિલ્લા ભાજપ), અભિષેકભાઇ પટવા, દિલીપસિંહ ચુડાસમા (પૂર્વ મહામંત્રી-જામનગર જિલ્લા ભાજપ), કુમારસિંહ રાણા (મંત્રી-જામનગર જિલ્લા ભાજપ), મુકુન્દભાઇ સભાયા (ચેરમેન,જામનગર માર્કેટીંગ યાર્ડ),હિરેનભાઇ કોટેચા (વાઇસ ચેરમેન-જામનગર માર્કેટીંગ યાર્ડ), પદુભા જાડેજા (ડાયરેકટર-જામનગર માર્કેટીંગ યાર્ડ), વિપુલભાઇ પટેલ, જયપાલસિંહ ઝાલા, હેમરાજભાઇ મુંગરા (સામાજીક અગ્રણી), મહેન્દ્રસિંહ જાડેજા (પ્રમુખ, જામનગર તાલુકા ભાજપ), ભૂમિતભાઇ ડોબરીયા (પ્રમુખ, જામનગર જિલ્લા યુવા ભાજપ), આશિષભાઇ પરમાર(મંત્રી-જામનગર જિલ્લા યુવા ભાજપ), પ્રદિપસિંહ જાડેજા, દિવ્યેશભાઇ, નરેન્દ્રસિંહ જાડેજા, ડી.કે.જાડેજા, બાબાશેઠ, દિગુભા જાડેજા (પ્રમુખ, રાજપૂત સમાજ-ગોંડલ વિગેરે મહાનુભાવો અને આગેવાનો ઉપસ્થિત રહૃાા હતા.

આ તકે ખાસ તમામ મહાનુભાવોએ  ગીરી રાજસિંહ જાડેજા (રામભાઇ) ની આ સેવાને બિરદાવી હતી. રકતદાન કૈમ્પમાં બહેનોએ પણ મોટી સંખ્યામાં રકતદાન કર્યુ હતું. સમગ્ર કાર્યક્રમનું સંચાલન પ્રવિણસિંહ કે. જાડેજાએ કર્યુ હતું તથા સમગ્ર કાર્યક્રમને સફળ બનાવવા રામભાઇના વિશાળ મિત્ર વર્તુળ તથા ગ્રામજનોએ જહેમત ઉઠાવી હતી.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh