Author: નોબત સમાચાર
જામનગરમાં આકરો તાપઃ હોળી પહેલાં પારો ચડ્યો
તાપમાનમાં સતત વધારાથી પ્રજાજનોને હાલાકીઃ
જામનગર તા. ૧રઃ જામનગરમાં ઉનાળાનો આક્રમક પ્રારંભ થઈ ચૂક્યો છે. છેલ્લા ચોવીસ કલાકમાં અડધા ડીગ્રીથી વધુ વધીને મહત્તમ તાપમાન ૩૮.પ ડીગ્રી નોંધાયું હતું. જેના પગલે આકરો તાપ તડતા પ્રજાજનોને ભારે હાલાકીનો સામનો કરવો પડ્યો હતો.
માર્ચ માસનું બીજુ સપ્તાહ પૂર્ણ થવાની આરે છે ત્યારે હવે જામનગરમાં ઉનાળાનો આક્રમક પ્રારંભ થઈ ચૂક્યો છે. તાપમાનમાં સતત વધારો થઈ રહ્યો છે. ચાર દિવસમાં મહત્તમ તાપમાનમાં ૪.૯ ડીગ્રીનો વધારો થયો છે. છેલ્લા ચોવીસ કલાકની વાત કરીએ તો અડધા ડીગ્રીથી વધુના વધારા સાથે મહત્તમ તાપમાન ૩૮.પ ડીગ્રી અને આંશિક વધીને લઘુતમ તાપમાન રર ડીગ્રી નોંધાયું હતું.
તાપમાનમાં થયેલા વધારાના પગલે ગઈકાલે પણ બપોરે આકરો તાપ અનુભવાયો હતો. અસહ્ય ગરમીથી આકૂળ-વ્યાકૂળ થઈને લોકો ત્રાહિમામ્ પોકારી ઊઠ્યા હતાં. માર્ચ માસના બીજા સપ્તાહમાં જ મહત્તમ તાપમાનનો પારો ૩૯ ડીગ્રી નજીક પહોંચી છે, ત્યારે આગામી સમયમાં કાળઝાળ ગરમી પડવાના એંધાણ મળી રહ્યા છે.
અસહ્ય ગરમી સામે રક્ષણ મળે તે માટે પ્રજાજનો ઋતુગત ફળો તથા ઠંડાપીણાનો સહાર લઈ રહ્યા છે.
નગરમાં બુધવારે સવારે પૂરા થતા ચોવીસ કલાક દરમિયાન વધુ ૧૩ ટકા ઘટીને વાતાવરણમાં ભેજનું પ્રમાણ ૪ર ટકા રહ્યું હતું. પવનની ગતિ પ્રતિકલાકની સરેરાશ ૧પ થી ર૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
