Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
જામ્યુકોની ફૂડ શાખા હોળીપર્વે બની સક્રિયઃ સઘન ચેકીંગ
જામનગર તા. ૧૨: જામનગર મહાનગર પાલિકાની ફૂડ શાખા દ્વારા હોળી-ધુળેટીના તહેવારને લઈને અલગ અલગ વિસ્તારમાં સઘન ચેકીંગ હાથ ધરાયું છે. શહેરના ૧૨ જેટલા પનીરના વિક્રેતાઓને ત્યાં સામૂહિક રીતે ચેકિંગ કરીને કુલ ૭ સ્થળેથી પનીરના નમુના લેવાયા છે. તે ઉપરાંત નગરના ખજુરના વિક્રેતા પાસેથી ખજૂર તેમજ પતાસા અને હોળી માટેના મીઠાઈના હારડાના પણ સેમ્પલો લેવાયા છે અને પૃથ્થકરણ માટે મોકલાયા છે.
જામનગર મહાનગર પાલિકાની ફુડ શાખા હોળી ધૂળેટીના તહેવારને લઈને સક્રિય બની છે, અને ગઈકાલે શહેરના અલગ અલગ વિસ્તારમાં સામૂહિક ચેકિંગ કરવામાં આવ્યું હતું.
શહેરમાં આવેલી જુદી જુદી દૂધની ડેરીઓના સ્થળે તેમજ અન્ય પનીર સહિતના ખાદ્ય પદાર્થનું વેચાણ કરતા હોય તેવા એક ડઝનથી વધુ વિક્રેતાઓને ત્યાં સરપ્રાઈઝ ચેકિંગ કરવામાં આવ્યું હતું. જે પૈકી અલગ અલગ ૭ દુકાનદારો ને ત્યાંથી તૈયાર પનીરના સેમ્પલો એકત્ર કરવામાં આવ્યા છે, અને પેક કરીને પૃથ્થકરણ માટે લેબોરેટરીમાં મોકલી આપવામાં આવ્યા છે.
જે ચેકિંગની કાર્યવાહી આજે સતત બીજા દિવસે પણ અવિરત ચાલુ રાખવામાં આવી હતી, અને જામનગરમાં શાકમાર્કેટ રોડ પર આવેલી જનતા સ્ટોર નામની એક પેઢીમાં વેચાણ માટે મુકાયેલા ખજૂરના નમુના એકત્ર કરીને પૃથ્થકરણ માટે મોકલવામાં આવ્યા છે.
તે જ રીતે સત્યનારાયણ મંદિર રોડ પર ભગવાનદાસ લવજી જગડ નામના સાકર ગૃહ ઉદ્યોગ ભંડારની દુકાનમાં પણ ચેકિંગ હાથ ધરાયું હતું, અને પતાસાના સેમ્પલ લેવાયા હતા.
તે ઉપરાંત અન્ય એક વિક્ર્તાને ત્યાંથી હોળીના તહેવારમાં ઉપયોગમાં લેવાતા હારડાની મીઠાઈના સેમ્પલો પણ લેવામાં આવ્યા છે, અને પૃથ્થકરણ માટે લેબોરેટરીમાં મોકલી અપાયા છે.
જામનગર શહેરના અલગ અલગ વિસ્તારમાં અન્ય ખાદ્ય પદાર્થોનું વેચાણ કરતા વેપારીને ત્યાં પણ ફૂડ શાખા દ્વારા ચેકિંગની કાર્યવાહી અવિરત ચાલુ રાખવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial