ખાનગી રિસોર્ટના કર્મચારી નેપાળી યુવાનનું હૃદયરોગના હુમલાથી મૃત્યુ

Author: નોબત સમાચાર

ખાનગી રિસોર્ટના કર્મચારી નેપાળી યુવાનનું હૃદયરોગના હુમલાથી મૃત્યુ

કેન્સરથી પીડાતા યુવક પર કાળનો પંજોઃ

જામનગર તા.૧ર : ઓખા મંડળના બરડીયામાં રિસોર્ટમાં નોકરી કરતા નેપાળી યુવાનને હૃદયરોગનો હુમલો આવી જતાં તેઓનું મૃત્યુ નિપજ્યું છે. જ્યારે ભાટીયાથી કેન્સરની સારવાર માટે જામનગર આવી રહેલા યુવાનનું ખંભાળિયા પાસે ખાનગી બસમાં મૃત્યુ થયું છે.

દેવભૂમિ દ્વારકા જિલ્લાના ઓખામંડળમાં આવેલા બરડીયા ગામમાં હોટલ બાપુ રિસોર્ટમાં નોકરી કરતા મૂળ નેપાળના વતની રામનારાયણ જયલાલ પાસવાન (ઉ.વ.પર) નામના પ્રૌઢ સોમવારે સવારે ચારેક વાગ્યે નિદ્રાધીન હતા ત્યારે તેઓને હૃદયરોગનો હુમલો આવી ગયો હતો. સારવારમાં ખસેડાયેલા આ પ્રૌઢનું મૃત્યુ નિપજ્યું છે. તેમની સાથે જ કામ કરતા રામઅધીન ગંગાપ્રસાદ પાસવાને પોલીસને જાણ કરી છે.

કલ્યાણપુર તાલુકાના ભાટીયા ગામના હરેશભાઈ જોધાભાઈ બોચીયા નામના ચાલીસ વર્ષના યુવાન છએક મહિનાથી મ્હોંની કેન્સરની બીમારીથી પીડાતા હતા. ગઈકાલે તેઓ જામનગરની જી.જી. હોસ્પિટલમાં સારવાર માટે ભાટીયાથી ખાનગી બસમાં બેસી જામનગર આવતા હતા. તે બસ જ્યારે ખંભાળિયા નજીક પહોંચી ત્યારે આ યુવાનનું મૃત્યુ નિપજ્યું હતું. બનાવની પોલીસે નોંધ કરી તપાસ હાથ ધરી છે.

જો આપને આ પોસ્ટ ગમી હોય તો શેર કરો...