Author: નોબત સમાચાર
જામનગરમાં વુલન મીલ નજીક ખુલ્લા ફાટક પાસે બે ઝૂંપડામાં ધમધમતી દારૂની ભઠ્ઠી ઝડપાઈ
નરમાણામાં મકાનમાંથી છ ચપલા ઝડપાયાઃ
જામનગર તા.૧૨ : જામજોધપુરના નરમાણા ગામમાં એક શખ્સના મકાનમાં પોલીસે દરોડો પાડી ઈંગ્લીશ દારૂના છ ચપટા કબજે કર્યા છે. નગરમાં વુલન મીલ પાસે બાવરીવાસમાં બે ઝૂંપડામાંથી અને અંધાશ્રમ નજીક દવાબજાર કોલોનીમાં એક મકાનમાંથી દેશી દારૂની ભઠ્ઠી પકડાઈ છે.
જામજોધપુર તાલુકાના નરમાણા ગામમાં એક શખ્સના મકાનમાં દારૂનો જથ્થો પડ્યો હોવાની બાતમી પરથી શેઠ વડાળા પોલીસ સ્ટેશનના સ્ટાફે ધર્મેશ પ્રવીણભાઈ વાલવા ઉર્ફે કટુ નામના શખ્સના મકાનમાં દરોડો પાડી તલાશી લેતા ત્યાંથી ઈંગ્લીશ દારૂના છ ચપટા મળી આવ્યા હતા. પોલીસે કટુની ધરપકડ કરી છે.
જામનગરના દિગ્જામ વુલન મીલ રોડ પર બાવરીવાસ નજીક સુનિતાબેન વિજય ડાભી ઉર્ફે સંગીતાબેનના ઝંૂપડામાં ગઈકાલે સિટીસી ડિવિઝનના સ્ટાફે દરોડો પાડી દેશી દારૂની ભઠ્ઠી પકડી પાડી છે. ત્યાંથી ચાલીસ લીટર આથો, તૈયાર દારૂ, ભઠ્ઠીના સાધનો કબજે કરાયા છે.
નજીકમાં જ આવેલા ખુલ્લા ફાટક પાસેના ગંગાબેન ધનસીંગ પરમારના ઝૂંપડામાંથી પણ દેશી દારૂની ભઠ્ઠી સાંપડી છે અંધાશ્રમ નજીક દવાબજાર કોલોનીમાં ખુશી હનીફભાઈ સાટીના મકાનમાં પણ ચાલી રહેલી ભઠ્ઠી પર પોલીસે દરોડો પાડ્યો હતો. આથો, દારૂ, ભઠ્ઠીના સાધનો કબજે કરાયા હતા. ત્રણેય મહિલાની શોધ હાથ ધરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
