Advertisement
Author: નોબત સમાચાર

જાંબુડા પાટીયા પાસે મોપેડને મોટરની ઠોકરઃ ઘવાયેલા વૃદ્ધનું નિપજ્યું મૃત્યુ

કાલાવડ રોડ પર મોટરે અકસ્માત સર્જતા બે ઘવાયાઃ

જામનગર તા.૧૨ : જામનગર-રાજકોટ ધોરીમાર્ગ પર જાંબુડા ગામના પાટીયા પાસે ગઈકાલે સવારે મોપેડ પર રોડ ક્રોસ કરતા એક વૃદ્ધને મોટરે ટક્કર મારતા ઈજા પામેલા વૃદ્ધનું મૃત્યુ નિપજ્યું છે. રવિવારે કાલાવડ રોડ પર એક મોટરે આગળ જતાં બાઈકને હડફેટે લેતાં મામા-ફઈના બે ભાઈ ઘવાયા છે.

જામનગર તાલુકાના સૂર્ય૫રા ગામના વતની અને હાલમાં રાજકોટમાં દોઢસો ફૂટ રીંગરોડ પર વસવાટ કરતા પ્રકાશભાઈ મુંગરા નામના આસામીના પિતા તરશીભાઈ ગઈકાલે સવારે સાડા સાતેક વાગ્યે જામનગર-રાજકોટ ધોરી માર્ગ પર જાંબુડા ગામના પાટીયા પાસેથી જીજે-૧૦-ડીએચ ૮૯૫૬ નંબરના મોપેડમાં પેટ્રોલ ભરાવી રોડ ક્રોસ કરતા હતા.

આ વેળાએ જીજે-૩-એનએફ ૬૦૪૯ નંબરની મોટર પુરપાટ ઝડપે ધસી આવી હતી. તેના ચાલકે તરશીભાઈના મોપેડને ટક્કર મારી દેતા રોડ પર પછડાયેલા આ વૃદ્ધને કપાળ, પગ, હાથમાં ગંભીર ઈજા થઈ હતી. સારવારમાં લઈ જવાયેલા તરશીભાઈનું મૃત્યુ નિપજ્યું છે. પ્રકાશભાઈએ મોટરચાલક સામે પંચકોશી એ ડિવિઝન પોલીસ સ્ટેશનમાં ફરિયાદ નોંધાવી છે.

જામનગર-કાલાવડ રોડ પર ઠેબા બાયપાસ નજીક પેટ્રોલપંપ પાછળ વસવાટ કરતા મુકેશભાઈ ખેંગારભાઈ રાઠોડનો ભત્રીજો ભાવિન તથા ભાણેજ હિતેશ રવિવારે સવારે જીજે-૧૦-બીસી ૮૫૦૦ નંબરના બાઈકમાં સપડાથી પરત આવતા હતા ત્યારે કાલાવડ રોડ પર આઈઓસીના પંપ નજીક પાછળથી જીજે-૧૦ સીજી ૩૧૬૨ નંબરની મોટર તેઓને ઠોકર મારતી ગઈ હતી. રોડ પર પછડાયેલા હિતેશને માથામાં ગંભીર ઈજા થઈ છે. જ્યારે ભાવિનને વાંસા તથા બંને પગમાં ઈજા પહોંચી છે. મુકેશભાઈએ અકસ્માત સર્જી નાસી ગયેલા મોટરચાલક સામે પોલીસમાં ફરિયાદ કરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh