Author: નોબત સમાચાર
ચેક પરતના કેસમાં અદાલતે ફટકારેલી સજા અપીલમાં પણ રાખવામાં આવી યથાવત
એક આસામીને ચેક પરતના બીજા કેસમાં સજાઃ
જામનગર તા.રર : જામનગરની સોસાયટીએ સભાસદ સામે કરેલી ચેક પરતની ફરિયાદમાં અદાલતે આરોપીને છ મહિનાની કેદની સજા ફટકારી છે. જ્યારે બીજા સભાસદે સજા સામે કરેલી અપીલમાં નીચેની કોર્ટ દ્વારા કરાયેલો હુકમ યથાવત રાખવામાં આવ્યો છે.
જામનગરની સ્વામી વિવેકાનંદ ક્રેડીટ કો.ઓપ. સોસાયટીના સભાસદ અને સ્કૂલ વેન ચલાવતા રાકેશ ચંદ્રકાંત દવેએ સોસાયટી પાસેથી લોન મેળવી હતી. તેની ભરપાઈ માટે આપેલો ચેક પરત ફર્યાે હતો.
ત્યારપછી સોસાયટીએ કોર્ટમાં કરેલી ફરિયાદ ચાલી જતાં અદાલતે આરોપી રાકેશ દવેને છ મહિનાની કેદની સજા અને ચેકની રકમ મુજબનો દંડ ફટકાર્યાે છે.
આ સોસાયટીના અન્ય સભાસદ વિભાપરના પરેશ કિશોર મકવાણાએ પણ લોન ભરપાઈ કરવા ચેક આપ્યો હતો. તે ચેક પરત ફર્યાની ફરિયાદ કોર્ટમાં કરાઈ હતી. અદાલતે આરોપીને આઠ મહિનાની કેદ અને ચેકની રકમ રૂ.૮૬૨૫૦નો દંડ ફટકાર્યાે હતો. તે હુકમ સામે કરાયેલી અપીલ ચાલી જતાં સેશન્સ કોર્ટે નીચેની કોર્ટનો હુકમ યથાવત રાખ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
