Author: નોબત સમાચાર
જામનગરમાં 'જાદુગર કરન'ના પ્રથમ શો નો દીપ પ્રાગટય સાથે ધમાકેદાર પ્રારંભ
ધારાસભ્યો-પદાધિકારીઓ-કોર્પોરેટરો તથા મનોરંજન પ્રેમી જનતાની ઉપસ્થિતિ વચ્ચે
જામનગર તા. ૨૨: જામનગરમાં જાદુગર કરનના પ્રથમ શોનો ધમાકેદાર આરંભ કરવાની સાથે જામનગરના મ્યુનિ. ટાઉન હોલમાં તેમના જાદુના શોની હારમાળાનો પ્રારંભ થઈ ચૂક્યો છે.
અગાઉ જામનગર શહેરમાં હાઉસફુલ શોની હારમાળાઓ સર્જનાર જાદુગર કરન જામનગરમાં તેમની જાદુ કલા પીરસવા માટે પુનઃ આવી ગયા છે.પ્રથમ શોનો આરંભ જામનગરના ૭૯-દક્ષિણ વિધાનસભા વિસ્તારના ધારાસભ્ય દિવ્યેશભાઈ અકબરી અને ૭૮-વિધાનસભા વિસ્તારના ધારાસભ્ય રિવાબા જાડેજા ના હસ્તે દીપ પ્રાગટય કરીને કરવામાં આવ્યો હતો.
આ વેળાએ જામનગર શહેર ભાજપના અધ્યક્ષ બીનાબેન કોઠારી, ડેપ્યુટી મેયર ક્રિષ્નાબેન સોઢા, સ્થાયી સમિતિના ચેરમેન નિલેશભાઈ કગથરા, શાસક જૂથના નેતા આશિષભાઈ જોશી, દંડક કેતનભાઇ નાખવા સહિતના મહાનુભાવો ઉપસ્થિત રહૃાા હતા, આ પ્રસંગે શહેરના અનેક કોર્પોરેટરો તેમજ મનોરંજન શોખીન જનતા, બાળકો અને પરિવાર સાથે મોટી સંખ્યામાં લોકો ઉપસ્થિત રહ્યા હતાં. જાદુગર કરને ઉપસ્થિત સર્વે મહાનુભાવોનું સ્વાગત કરી અભિવાદન કર્યું હતું, ત્યારબાદ જાદુગર કરને એક પછી એક જાદુના હેરત ભર્યા અવનવા પ્રયોગો રજૂ કર્યા હતા. અદભુત લાઇટિંગ ઇફેક્ટ, દરેક આઈટમ ને અનુરૂૂપ હાઈફાઈ સાઉન્ડ સિસ્ટમ સાથે મ્યુઝિક અને લાઇટિંગ તેમજ અત્યાધુનિક સાધન સરંજામ સાથે રજૂ થતી અનેક આઈટમ ઉપર દર્શકો આફ્રીન થઈ ગયા હતા. જાદુગર કરન ની સ્ટેજ પરની સ્ફૂર્તિ, અને ઝડપથી જાદુઈ કલા ને રજુ કરવાની એક અલગ સ્ટાઇલ, એક આઈટમ પૂર્ણ થાય અને તેના અર્ચબાયાથી દર્શકો બહાર આવે ત્યાં તેવી જ જબરદસ્ત બીજી આઈટમની પ્રસ્તુતિના કારણે સતત ત્રણ કલાક દર્શકો મંત્રમુગ્ધ અને રોમાંચિત થઈ ગયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
