Author: નોબત સમાચાર
ઓફિસ બનાવવા માટે હાથઉછીની લીધેલી રકમના ચેક પરત કેસમાં સજા
આરોપીએ પેમેન્ટ સ્ટોપ કરાવી દીધુ હતું:
જામનગર તા.રર : જામનગરના એક આસામીએ ઓફિસ બનાવવા માટે હાથ ઉછીની રકમ મેળવી ચેક આપ્યો હતો. તે ચેક પરત ફર્યાની ફરિયાદમાં અદાલતે આરોપીને બે વર્ષની કેદની સજા ફટકારી છે.
જામનગરમાં આરટીઓ એજન્ટ તરીકે કામ કરતા મયુર ચાંદ્રા નામના આસામી પાસેથી ઓફિસ બનાવવા માટે મિત્ર શ્યામ રમણીકલાલ છુછીયાએ રૂપિયા સાડા સાત લાખ હાથઉછીના મેળવી સામે ચેક આપ્યો હતો.
તે ચેક બેંકમાંથી સ્ટોપ પેમેન્ટના શેરા સાથે પરત ફરતા નોટીસ પાઠવ્યા પછી મયુર ચાંંદ્રાએ અદાલતમાં ફરિયાદ નોંધાવી હતી. તે કેસ ચાલવા પર આવતા આરોપી પક્ષે દલીલ કરી હતી કે આ રકમ આપવા માટે ફરિયાદી સક્ષમ નથી, આટલી મોટી રકમનો વ્યવહાર થયો નથી, જે રકમ આરોપીએ લીધી હતી તેની સિક્યુરિટીમાં અપાયેલા કોરા ચેકનો ઉપયોગ ન થાય તે માટે તેઓએ પેમેન્ટ સ્ટોપ કરાવ્યું હતું તેની સામે ફરિયાદ પક્ષે કરેલી દલીલો ગ્રાહ્ય રાખી અદાલતે આરોપી શ્યામ રમણીકલાલ છુછીયાને તક્સીરવાન ઠરાવી બે વર્ષની કેદની સજા ફટકારી છે. ફરિયાદી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
