Author: નોબત સમાચાર
અગાઉના ઝઘડાનો ખાર રાખી મોટા થાવરીયા ગામમાં યુવાન પર થયો હુમલો
બનેવી સાથેના ઝઘડાના કારણે સાળાને માર પડ્યોઃ
જામનગર તા. ૧૧ઃ જામનગરના મોટા થાવરીયા ગામમાં ગઈકાલે એક યુવાન પર ધોકા-પાઈપ વડે છ શખ્સે હુમલો કરી માર માર્યાે હતો. અગાઉની બોલાચાલીના કારણે હુમલો થયાનું પોલીસ ફરિયાદમાં જણાવાયું છે. લાલપુરના યુવાનના બનેવી સાથે થયેલા ઝઘડાનો ખાર રાખી આ યુવાનને એક શખ્સે ધોકાવી નાખ્યો હતો.
જામનગરના રણજીત સાગર રોડ પર આવેલા યુવા પાર્કમાં રહેતા હાર્દિક અમૃતભાઈ ચાંદ્રા નામના યુવાનને ગઈકાલે મોટા થાવરીયા ગામના પાટીયા પાસે એક દુકાન પાસે અજય રામભાઈ મકવાણા, કિશન ભરતભાઈ, ઉત્તમ કાળુભાઈ તન્ના, અસલમ દોસાણી નામના અલીયા ગામના ચાર શખ્સ તથા બે અજાણ્યા શખ્સે હુમલો કરી માર માર્યાે હતો.
અગાઉ થયેલી બોલાચાલીનો ખાર રાખી પાઈપ, પાવડાના હાથા, ધોકા વડે આ શખ્સોએ આડેધડ ફટકારતા હાથ-પગમાં ઈજા પામેલા હાર્દિક ચાંદ્રાને સારવારમાં ખસેડવામાં આવ્યા છે. જ્યાંથી તેઓએ પોલીસમાં ફરિયાદ નોંધાવતા પંચકોશી એ ડિવિઝન પોલીસ સ્ટેશનના જમાદાર એચ.જે. જાડેજાએ ગુન્હો નોંધી આરોપીઓની શોધ હાથ ધરી છે.
લાલપુરમાં ચાર થાંભલા પાસે રહેતા આરીફ ગફારભાઈ શેખના બનેવી સાથે અગાઉ તબેલા શેરીમાં રહેતા મોહસીન ઈકબાલ રાઉકરડાને ઝઘડો થયો હતો. તેનો ખાર રાખી ગુરૃવારે ઘઉંના ગોડાઉન પાસે મોહસીને પ્લાસ્ટિકના પાઈપથી આરીફ શેખ પર હુમલો કરી ગાળો ભાંડી હતી અને જાનથી મારી નાખવાની ધમકી આપી હતી. લાલપુર પોલીસ મથકમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
