Author: નોબત સમાચાર
સગીરાની પજવણી કરી વિધર્મી શખ્સ તથા તેના સાગરિતોએ કર્યાે હુમલો
ખંભાળિયાના ભાડથરના બનાવે જગાવી ચકચારઃ
ખંભાળિયા તા.૧૦ : ખંભાળિયા તાલુકાના ભાડથર ગામમાં એક વિધર્મી શખ્સ અવારનવાર સગીરાની પાછળ જઈ છેડતી કરી પજવણી કરતો હતો. આ તરૂણીના કાકાએ તેમ ન કરવા કહેતા શનિવારે બપોરે આ શખ્સ તથા તેના ત્રણ સાગરિતે ધોકા, લાકડી તથા સાયલેન્સરથી હુમલો કરી માર મારવા ઉપરાંત એક યુવાનની આંગળી ભાંગી નાખી હતી. આ બનાવે ચકચાર જગાવી છે.
ખંભાળિયા તાલુકાના ભાડથર ગામમાં રહેતી એક સગીરાને અવારનવાર તે જ ગામનો સમીર સલીમ સૈયદ નામનો શખ્સ પજવતો હતો. તેણીની પાછળ પાછળ જઈ છેડતી કરતા આ શખ્સ વિશે તે તરૂણીએ પોતાના કાકાને વાત કર્યા પછી શનિવારે બપોરે સમીર તેણીના કાકાના કામના સ્થળે આવ્યો હતો.
આ શખ્સને છેડતી નહીં કરવા માટે સમજાવવામાં આવતા તેનો ખાર રાખી સમીર સલીમ સૈયદ, ઈબ્રાહીમ સલીમ સૈયદ ઉર્ફે ભોલા, અજીત ઈબ્રાહીમ સૈયદ, અમીર સલીમશા ફકીર નામના ચાર શખ્સે લાકડી, ધોકા અને રિક્ષાના સાયલેન્સરથી હુમલો કરી માર માર્યાે હતો.
આ વેળાએ વચ્ચે પડનાર ધર્મેન્દ્રભાઈ, પિયુષભાઈ, રોહિતને પણ ધોકાવી નખાયા હતા. હુમલામાં ધર્મેન્દ્રભાઈની હાથની આંગળી ભાંગી ગઈ છે. જાનથી મારી નાખવાની ધમકી આપી ચારેય શખ્સ પલાયન થઈ ગયા હતા. સગીરાની વિધર્મી શખ્સે છેડતી કર્યા પછી કરાયેલા હુમલાના આ બનાવે ચકચાર જગાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x532~2.jpeg)
