Author: નોબત સમાચાર
ખંભાળિયા-દ્વારકા, વાયા ચરકલા રોડને નવો બનાવવા રૂ. ૪૯ કરોડની ફાળવણી
અગ્રણી હિતેન્દ્રભાઈ આચાર્યની રજૂઆતને સફળતાઃ
ખંભાળિયા તા. ૧૦: દેવભૂમિ દ્વારકા જિલ્લામાં ખંભાળિયાથી દ્વારકા જવા નેશનલ હાઈ-વે ફોર ટ્રેક બનાવાયો છે. જે મુજબ સુંદર તથા છેક દ્વારકા સુધી છે, પણ આ રોડ પર ટોલનાકું આવતા ૧૦પ રૂપિયા જવાના, ૧૦પ આવવાના જતા હોય તથા આ રસ્તા લાંબો પડતો હોય, લોકો ખંભાળિયાથી વાહનોમાં દ્વારકા જવા લીંબડી, રાણ, ચરકલા રોડનો ખૂબ જ ઉપયોગ કરતા હોય, આ રસ્તો મંજુર કરવા રાજ્યમંત્રી મૂળુભાઈ બેરા તથા સાંસદ પૂનમબેન માડમ તથા ધારાસભ્ય પબુભા માણેકની રજૂઆતો પરથી રાજ્ય સરકારે ૪૯ કરોડ રૂપિયા ૩૬ કિલોમીટરના રસ્તા માટે ફાળવ્યા છે.
રાણ, ગુરગઢ, ચરકલા, દ્વારકા જતા આ રસ્તાને ૧૦ મીટર પહોળો નવો બનાવવામાં આવશે. રાજ્ય સરકારે મંજુરી આપ્યા પછી તેની તાંત્રિક મંજુરી પણ આવી ગઈ છે તથા ટેન્ડરીંગ પ્રક્રિયા પણ શરૂ થઈ છે. ખંભાળિયાના અગ્રણી હિતેન્દ્રભાઈ આચાર્ય દ્વારા આ રસ્તો અત્યંત બિસ્માર હોય, અનેક સ્થળે ખાડા, કાચા રસ્તા જેવો રોડ, તૂટેલા પુલિયા, ડામર રોડ બિસ્માર હોય, લોકોને વાહનો ચલાવવામાં ખૂબ પરેશાની થતી હોય, રાજ્યમંત્રી મૂળુભાઈ બેરાનું ધ્યાન પણ દોર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x532~2.jpeg)
