Author: નોબત સમાચાર
જોડિયાના માવનુગામ પાસે રોડ ક્રોસ કરતા વૃદ્ધાને મોટરની ઠોકરઃ મૃત્યુ
પશુ સારવારની એમ્બ્યુલન્સે સર્જયો અકસ્માતઃ
જામનગર તા.૧૦: જોડિયાના માવનુગામ પાસે ગયા ગુરૂવારે સવારે રોડ ક્રોસ કરતા એક વૃદ્ધાને મોટરે ઠોકર મારી પછાડ્યા હતા. ઘવાયેલા વૃદ્ધાનું સારવારમાં મૃત્યુ નિપજ્યું છે. જામજોધપુરના નંદાણા ગામ પાસે પશુ સારવારની એમ્બ્યુલન્સે સર્જેલા અકસ્માતમાં બાઈકચાલક અને તેમના પત્ની-પુત્રને ઈજા થઈ છે.
જોડીયા તાલુકાના નવા માવનુગામના રહેવાસી મનોજભાઈ કાંતિલાલ રાઠોડ નામના કડીયા યુવકના માતા લક્ષ્મીબેન ગુરૂવારે સવારે માવનુગામના પાટિયા પાસેથી રોડ ક્રોસ કરતા હતા ત્યારે જીજે ૧૨-ઈઈ ૪૩૪ નંબરની ફોર્ડ કંપનીની ફીગો મોટરના ચાલકે તેઓને ઠોકર મારીને ફંગોળ્યા હતા. રોડ પર જોશભેર પછડાયેલા લક્ષ્મીબેનના માથા સહિત શરીરના અન્ય ભાગોમાં ગંભીર ઈજા થઈ હતી.
સારવારમાં ખસેડવામાં આવેલા લક્ષ્મીબેનનુ્ મૃત્યુ નિપજ્યું છે. મનોજભાઈએ મોટરના ચાલક સામે પોલીસમાં ફરિયાદ નોંધાવી છે.
જામજોધપુર તાલુકાના નંદાણા ગામમાં રહેતા મયુર મનસુખભાઈ ગાલોરીયા ગઈ તા.૨૬ ડિસેમ્બરની બપોરે નંદાણા ગામ પાસેથી જીજે-૧૦-સીએલ ૨૩૨૪ નંબરના બાઈકમાં જતા હતા ત્યારે પશુ સારવારની જીજે-૧૮-જીબી ૮૫૦૨ નંબરની એમ્બ્યુલન્સ અચાનક એક ખેતરમાંથી રોડ પર ચઢી હતી. તેના ચાલકની બેદરકારીના કારણે એમ્બ્યુલન્સ બાઈક સાથે ટકરાઈ પડી હતી. ફ્રેક્ચર સહિતની ઈજા પામેલા મયુરભાઈએ એમ્બ્યુલન્સના ચાલક સામે પોલીસમાં ફરિયાદ કરી છે. સાથે રહેલા તેમના પત્ની દક્ષાબેન તથા પુત્ર ફ્રેનીલ પણ ઘવાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x532~2.jpeg)
