Advertisement
Author: નોબત સમાચાર

પીએમ નરેન્દ્ર મોદી આજથી-પાંચ દિવસની વિદેશ યાત્રાએઃ ફ્રાન્સ પછી અમેરિકા જશે

ફ્રાન્સ સાથે એ.આઈ. સમિટમાં સહ-અધ્યક્ષતાઃ ટ્રમ્પની મુલાકાત

નવી દિલ્હી તા. ૧૦: વડાપ્રધાન નરેન્દ્ર મોદી આજથી પાંચ દિવસની વિદેશ યાત્રાએ નીકળ્યા છે. તેઓ ફ્રાન્સ તથા અમેરિકાની મુલાકાત લેશે

વડાપ્રધાન નરેન્દ્ર મોદી ફ્રાન્સ અને અમેરિકાની મુલાકાતે રવાના થયા છે. તેઓ સંરક્ષણ સહયોગ અને વેપાર ભાગીદારી વધારવાના ઉદ્ેશ્ય સાથે આ બંને દેશોની મુલાકાતે નીકળ્યા છે.

મોદી તેમના બે દેશોના પ્રવાસના પ્રથમ સ્ટોપના ભાગરૂપે આજે ફ્રાન્સમાં હશે. તેઓ ૧૦ ફેબ્રુઆરીથી ૧૨ ફેબ્રુઆરી સુધી પેરિસમાં રહેશે. આ સમય દરમિયાન તેઓ ફ્રાન્સના રાષ્ટ્રપતિ ઈમેન્યુઅલ મેક્રોન સાથે આર્ટિફિશિયલ ઈન્ટેલિજન્સ એકશન સમિટની સહ-અધ્યક્ષતા કરશે.

વિગતવાર કાર્યક્રમ મુજબ વડાપ્રધાન મોદી આજે ૧૦ ફેબ્રુઆરીએ પેરિસ પહોંચશે અને સાંજે એલિસ પેલેસમાં રાષ્ટ્રપતિ મેક્રોન સાથે ડિનર કરશે. આ ડિનરમાં ઘણી મોટી ટેક્નોલોજી કંપનીઓના સીઈઓ પણ હાજરી આપશે. ૫ીએમ મોદી બીજા દિવસે એટલે કે ૧૧ ફેબ્રુઆરીએ એઆઈ એક્શન સમિટની સહ અધ્યક્ષતા કરશે.

વડાપ્રધાન મોદીની પેરિસ મુલાકાતને લઈને વિદેશ સચિવ વિક્રમ મિસરીએ ગયા અઠવાડિયે કહૃાું હતું કે અમે આ સમિટમાં ઘણી ઘોષણાઓની અપેક્ષા રાખીએ છીએ. અમને એઆઈ એપ્લિકેશન્સમાં રસ છે જે વાપરવા માટે સલામત અને વિશ્વસનીય છે. આ દરમિયાન પીએમ મોદી ઈન્ડિયા-ફ્રાન્સ સીઈઓ ફોરમને પણ સંબોધિત કરશે.

વડાપ્રધાન નરેન્દ્ર મોદી પેરિસ પછી સીધા અમેરિકા પહોંચશે. તેમનો અમેરિકન પ્રવાસ બે દિવસનો હશે, જ્યાં તેઓ ૧૨ થી ૧૪ ફેબ્રુઆરી સુધી રોકાશે.

આ દરમિયાન તેઓ અમેરિકી રાષ્ટ્રપતિ ડોનાલ્ડ ટ્રમ્પ સાથે દ્વિપક્ષીય વાતચીત કરશે. તેઓ ઘણા બિઝનેસ લીડર્સ અને ભારતીય સમુદાયના સભ્યોને પણ મળશે. વડાપ્રધાન મોદીનો અમેરિકન પ્રવાસ એવા સમયે થઈ રહૃાો છે જ્યારે ટ્રમ્પે હાલમાં જ અમેરિકામાં ગેરકાયદેસર રીતે રહેતા ૧૦૪ ઈમિગ્રન્ટ્સને ભારત પરત મોકલી દીધા છે.

ઉલ્લેખનિય છે કે, વડાપ્રધાન મોદી અને યુએસ પ્રમુખ ડોનાલ્ડ ટ્રમ્પની પ્રથમ મુલાકાત ૨૬ જૂન ૨૦૧૭ના વોશિંગ્ટનમાં થઈ હતી. અમદાવાદમાં થઈ હતી.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh