Author: નોબત સમાચાર
દિવ્યાંગ વ્યકિતઓના કલ્યાણ માટે પારોતિોષિક વર્ષ-૨૦૨૪ માટે ઉમેદવારોની અરજી અંગે તાકીદ
દેવભૂમિ દ્વારકા જિલ્લા રોજગારી કચેરી દ્વારા
ખંભાળિયા તા.૧૦: દેવભૂમિ દ્વારકા જિલ્લા રોજગાર કચેરી દ્વારા વર્ષ-૨૦૨૪ના રાજ્ય કક્ષાના દીવ્યાંગ પારિતોષિક મેળવવા માટે અરજીઓ મંગવવામાં આવી છે. આ એવોર્ડ ૧) ૪૦ ટકા કે તેથી વધુ શારીરિક ક્ષતી ધરાવતી શ્રેષ્ઠ કાર્યક્ષમ વ્યક્તિઓ/સ્વરોજગાર કરતી દિવ્યાંગ વ્યક્તિઓ, ૨) ૪૦ ટકા કે તેથી વધુ શારીરિક ક્ષતી ધરાવતા દિવ્યાંગોને નોકરીએ રાખનાર શ્રેષ્ઠ નોકરીદાતાઓ તથા ૩) ૪૦ ટકા કે તેથી વધુ શારીરિક ક્ષતી ધરાવતા દિવ્યાંગ વ્યક્તિઓના પુનર્વસનની કામગીરી કરતાં પ્લેસમેન્ટ ઓફિસર્સ એમ ત્રણ કેટેગરીમાં આપવામાં આવશે.
દિવ્યાંગ પારિતોષિક માટેની અરજીઓનો નમૂનો રંંૅજઃ//ંટ્ઠઙ્મૈદ્બર્દ્ઘિખ્તટ્ઠિ.ખ્તેદ્ઘટ્ઠટ્ઠિં.ર્ખ્તદૃ.ૈહ/ (તાલીમ રોજગાર) વેબસાઈટથી અથવા જીલ્લા રોજગાર કચેરીમાંથી વિનામુલ્યે તા.૨૪/૦૨/૨૦૨૫ સુધીમાં મળી શકશે. ઉમેદવારોએ ભરેલા અરજી પત્રકો સાથે શૈક્ષણિક લાયકાત, દિવ્યાંગતા માટેના માન્ય પ્રમાણપત્ર, પોસ્ટકાર્ડ સાઈઝ ફોટોગ્રાફ, પોલિસ વેરીફિકેશન તથા અન્ય સંબંધિત તમામ લાગુ પડતાં દસ્તાવેજોની નકલ સહિત ફોર્મમાં દર્શાવેલ કોલમ મુજબની પુરેપુરી વિગતો સામેલ કરવાની રહેશે. આ મુજબની અરજી બે નકલમાં જિલ્લા રોજગાર કચેરીને તા.૨૪/૦૨/૨૦૨૫ સુધીમાં રૂબરૂ અથવા ટપાલ દ્રારા મળી જાય તે રીતે મોકલી આપવાની રહેશે. અધુરી વિગત વાળી/ નિયત સમયમર્યાદા બાદની આવેલ અરજી સ્વીકારવામાં આવશે નહી. વધુ માહિતી માટે દેવભૂમિ દ્વારકા જીલ્લા રોજગાર કચેરી (કલેકટર કચેરી કમ્પાઉન્ડ, જિલ્લા સેવા સદન-લાલપુર બાયપાસ રોડ, બ્લોક નં.એ/૨/૧૯, બીજો માળ,ખંભાળિયા/ ૦૨૮૩૩-૨૩૪૨૧૦)નો સંપર્ક કરી શકાશે, તેમ રોજગાર અધિકારી(જન.),દેવભૂમિ દ્વારકાની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x532~2.jpeg)
