Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ધ્રોલમાં યુવાને ગળાફાંસો ખાઈ કરી આત્મહત્યાઃ
જામનગર તા.૧૦ : ધ્રોલ શહેરમાં ખાનગી પવનચક્કીની કંપનીમાં નોકરી કરતા મૂળ જુનાગઢ જિલ્લાના એક યુવાને શનિવારે અકળ કારણથી ગળા ટૂંપો ખાઈ લઈ જિંદગી ટૂંકાવી છે. જ્યારે નગરની વિદ્યાર્થિની દ્વારા સપ્તાહ પહેલાં વિષપાન કરવામાં આવ્યું હતું. તેણીનું પણ સારવારમાં મૃત્યુ નિપજ્યું છે. પોલીસે બંને બનાવની તપાસ હાથ ધરી છે.
ધ્રોલના ગોકુલ ૫ાર્ક વિસ્તારમાં રહેતા અને ખાનગી કંપનીમાં નોકરી કરતા ઉતમભાઈ ટપુભાઈ જાદવ (ઉ.વ.રપ) નામના યુવાન શનિવારે સવારે દસ વાગ્યાથી સાંજના સાતેક વાગ્યા સુધી પોતાના રહેણાંકમાં હાજર હતા તે દરમિયાન કોઈ અકળ કારણથી તેઓએ મરી જવાનો કઠોર નિર્ણય કરી પંખામાં દોરડું બાંધી ગળાટૂંપો ખાઈ લીધો હતો. જેની જાણ થતાં દોડી આવેલા તેના દાદા કરસનભાઈ જેઠાભાઈ જાદવ નામના મૂળ ગીર સોમનાથ જિલ્લાના કાણકીયા ગામના વતનીએ પોલીસને જાણ કરી છે. ધ્રોલના જમાદાર એચ.જે. જાડેજાએ મૃતદેહને પીએમ માટે ખસેડી તપાસ હાથ ધરી છે.
જામનગરના બેડી વિસ્તાર નજીક વીર સાવરકર ભવનમાં રહેતા પાયલબેન મહેન્દ્રભાઈ ડોડીયા (ઉ.વ.૨૦) નામના વિદ્યાર્થિનીએ ગઈ તા.૩ની સવારે પોતાના ઘરે કોઈ અકળ કારણથી વિષપાન કર્યું હતું. સારવારમાં ખસેડાયેલા પાયલ બેનનું ગઈકાલે મૃત્યુ નિપજ્યું છે. પિતા મહેન્દ્રભાઈ ડોડીયાએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial