Advertisement
Author: નોબત સમાચાર

જામજોધપુરમાં ગંજીપાના કૂટતા ચાર શખ્સ ઝડપાયાઃ નવ પત્તાપ્રેમી પલાયન

મયુરનગરમાંથી જુગાર રમતા ચાર પકડાયાઃ

જામનગર તા.૨૭ : જામનગરના ગોકુલનગરના મયુરનગરમાંથી ચાર શખ્સ તીનપત્તી રમતા રૂ.૧૪૦૫૦ સાથે ઝડપાયા છે. જ્યારે જામજોધપુરની પાંચીયાળી શેરીમાંથી ચાર પત્તાપ્રેમી પોલીસના દરોડામાં પકડાયા છે અને નવ નાસી ગયા છે. રોકડ, બાઈક સહિત રૂપિયા સાડા ત્રણ લાખનો મુદ્દામાલ કબજે કરાયો છે. ઝાખર ગામના પાટીયા પાસેથી વર્લીબાજની અટકાયત કરાઈ છે.

જામનગરના ગોકુલનગર નજીકના મયુરનગરમાં જુગાર રમાતો હોવાની બાતમી પરથી ગઈકાલે સાંજે ઉદ્યોગનગર પોલીસચોકીના પીએસઆઈ આર.ડી. ગોહિલ તથા સ્ટાફે પીઆઈ જે.જે. ચાવડાની સૂચનાથી ત્યાં આવેલી શેરી નં.રમાં દરોડો પાડ્યો હતો.

આ સ્થળે ગંજીપાના વડે જુગાર રમતા ચમનભાઈ કેશવજીભાઈ પાડલીયા, અજય કરણભાઈ વાઘેલા, ચેતન ગગજીભાઈ પરમાર, વિજય ભીખુભાઈ ઠકરાણી નામના ચાર શખ્સ મળી આવ્યા હતા. પોલીસે પટમાંથી રૂ.૧૪૦૫૦ કબજે કરી ગુન્હો નોંધ્યો છે.

જામજોધપુરની પાંચીયાળી સીમ વિસ્તારમાં ગઈરાત્રે જુગારની જમાવટ થઈ હોવાની બાતમી મળતા રાત્રે સાડા બાર વાગ્યે જામજોધપુર પોલીસ સ્ટેશનના સ્ટાફે દરોડો પાડી ત્યાં એક વોકળામાં ટોર્ચના અજવાળે તીનપત્તી રમતા ચંદુભાઈ છગનભાઈ રાબડીયા, જસ્મિન મનસુખભાઈ ઝાલાવડીયા, દિવ્યેશ વાલજીભાઈ ભલસોંડ, મીત દિનેશભાઈ ગેડાણીયા નામના ચાર શખ્સ ઝડપાઈ ગયા હતા. પોલીસને જોઈને ટોની ધાબાવાળા, દાનાભાઈ કડીવાર, પ્રતિક જોષી, મેસુર ઉર્ફે મેહુલ રબારી, મેરો રબારી, પ્રકાશ વીરાભાઈ પરમાર, અશોક બાવરીયા, ભુટાભાઈ કાલરીયા, જય કાંજીયા નામના નવ શખ્સ નાસી ગયા હતા. પટમાંથી રૂ.૫૧૨૦૦ રોકડા, ૧૨ બાઈક મળી કુલ રૂ. ૩,૭૧,૨૦૦નો મુદ્દામાલ કબજે કરવામાં આવ્યો છે.

જામનગર-ખંભાળિયા રોડ પર ઝાખર ગામના પાટીયા પાસે ગઈકાલે સાંજે વર્લીના આંકડા લખતા દિલીપ કિશોરભાઈ વાઘેલા નામના શખ્સને પોલીસે પકડી લીધો છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh