Author: નોબત સમાચાર
લોકગાયિકા જેવી જ અન્ય યુવતીના વાંધાજનક વીડિયો વાયરલ અંગે ગુન્હો
કોઈ ભેજાબાજે વીડિયો સાથે ગીત પણ મોર્ફ કર્યું:
જામનગર તા.૨૭ : ખંભાળિયાના બજાણા ગામમાં રહેતા એક લોકગાયિકાના નામે કોઈએ સોશિયલ મીડિયા પર ફેક આઈડી બનાવ્યા પછી તે મહિલાનો એક વાંધાજનક વીડિયો અને તેની સાથે આ ગાયિકાનું ગીત મોર્ફ કરી સોશિયલ મીડિયા પર વાયરલ કરતા મામલો પોલીસ મથકે પહોંચ્યો છે. સાયબર ક્રાઈમ પોલીસે ગુન્હો નોંધી તપાસનો ધમધમાટ શરૂ કર્યાે છે.
ખંભાળિયા તાલુકાના બજાણા ગામમાં રહેતા અને ગુજરાતી લોકગાયિકીમાં નામના પ્રાપ્ત કરનાર યુવતીએ દેવભૂમિ દ્વારકાના સાયબર ક્રાઈમ પોલીસ સ્ટેશનમાં ફરિયાદ કરી છે.
ફરિયાદમાં જણાવવામાં આવ્યા મુજબ ગયા મહિને તેઓ જ્યારે પોતાના ઘરે હતા ત્યારે સોશિયલ મીડિયા પર તેઓને પોતાના નામની એક ફેક આઈડી જોવા મળી હતી. તેમાં જોવામાં આવતા તેમના જેવા જ ચહેરાવાળી એક અન્ય યુવતીનો કોઈ પુરૂષ સાથે શારીરિક સંબંધ બાંધતી વખતેનો વીડિયો જોવા મળ્યો હતો અને તે વીડિયો સાથે આ ગાયીકાના ગાવામાં આવેલા ગીતને મોર્ફ કરી મૂકી દેવામાં આવ્યું હોવાનું જણાયું હતું.
ઉપરોક્ત વીડિયો નીહાળી ગાયીકા હતપ્રભ બન્યા હતા. તેઓએ આ બાબતની પોતાના પરિવારને જાણ કર્યા પછી ગઈકાલે સાયબર ક્રાઈમ પોલીસનો સંપર્ક કર્યાે હતો. તેણીની ફરિયાદ પરથી પોલીસે ફરિયાદી જેવી જ દેખાતી અન્ય મહિલાનો શારીરિક સંબંધ સમયનો રેકોર્ડ કરેલો વીડિયો અને તેની સાથે મોર્ફ કરેલા ગીત સોશિયલ મીડિયા પર વાયરલ કરનાર શખ્સો સામે ગુન્હો નોંધી તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
