Author: નોબત સમાચાર
જામનગરના પ્રૌઢ તથા ખંભાળિયાના યુવાનને હૃદયરોગનો હુમલોઃ બંનેના મૃત્યુ
મહિલાને વીજ આંચકો ભરખી ગયોઃ
જામનગર તા.૨૭ : જામનગરના એક પ્રૌઢને હૃદયરોગનો હુમલો ભરખી ગયો છે. જ્યારે ખંભાળિયામાં શિવ શોભાયાત્રામાંથી પરત ફરતી વેળા એક યુવાનને છાતીમાં દુખાવો ઉપડ્યા પછી તેમનું મૃત્યુ થયું છે. રિદ્ધિ સિદ્ધિ સોસાયટીમાં રહેતા પરિણીતા ને વીજ આંચકો લાગતા તેણીનું સારવારમાં મૃત્યુ નિપજ્યું છે.
જામનગરના ગોકુલનગર નજીકના અયોધ્યાનગરમાં શેરી નં.૬માં રહેતા પરબતભાઈ રામભાઈ ચાવડા (ઉ.વ.૫૬) નામના પ્રૌઢ ગઈકાલે બપોરે પોતાના ઘરે હતા ત્યારે છાતીમાં દુખાવો થવા લાગતા તેઓને સારવાર માટે ખસેડવાની તજવીજ કરાઈ હતી. તે પહેલાં હૃદયરોગના હુમલાથી આ પ્રૌઢનું મૃત્યુ થયું હતું. તેમના પુત્ર પારસભાઈએ પોલીસને જાણ કરી છે.
જામનગરના રણજીત સાગર રોડ પર આવેલી સાધના કોલોની નજીક રિદ્ધિ સિદ્ધિ સોસાયટીમાં રહેતા બીબીબેન મોહસીનભાઈ દરજાદા નામના પરિણીતા મંગળવારે સવારે પોતાના ઘરે હતા ત્યારે તેઓને કોઈ રીતે વીજ આંચકો લાગ્યો હતો. સારવાર માટે હોસ્પિટલ ખસેડાયેલા આ મહિલાનું ટૂંકી સારવારના અંતે મૃત્યુ નિપજ્યું છે. પતિ મોહસીન દરજાદાએ પોલીસને જાણ કરી છે.
ખંભાળિયા શહેરના ખોડિયાર ચોક વિસ્તારમાં રહેતા દિવ્યભાઈ નિલેશભાઈ જોષી (ઉ.વ.ર૪) નામના યુવાન ગઈકાલે સાંજે સાડા પાંચેક વાગ્યે પોતાના ઘર પાસે હતા ત્યારે તેઓને હૃદયરોગનો પ્રાણઘાતક હુમલો આવી જતાં તેઓનું મૃત્યુ નિપજ્યું છે. જય કમલેશભાઈ જોષીએ પોલીસને જાણ કરી છે. સદ્ગત યુવાન નિવૃત્ત પોલીસ કર્મચારી સ્વ. હરીભાઈ જોષીના પૌત્ર હતા અને ખંભાળિયામાં ઈલેકટ્રીકની દુકાન ચલાવવા ઉપરાંત શહેર યુવા ભાજપમાં હોદ્દેદાર તરીકે સેવા આપતા હતા. તેઓ ગઈકાલે શિવ શોભાયાત્રામાં જોડાયા હતા. ત્યાંથી પરત ફરતી વખતે તેઓને છાતીમાં દુખાવો ઉપડતા ખાનગી દવાખાને લઈ જવાયા હતા અને જ્યાં તેઓએ અંતિમ શ્વાસ લીધા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
