Author: નોબત સમાચાર
ખંભાળિયા શહેર-તાલુકાના શીવ મંદિરોમાં મહાશિવરાત્રિની ઉજવણી
ચાર પ્રહર આરતી, ઘીની મહાપૂજા, ભવ્ય દર્શન, મહાઆરતી, હર હર મહાદેવની ધૂન સાથે
ખંભાળિયા તા.૨૭: ખંભાળિયા શહેર તથા તાલુકાના શિવ મંદિરોમાં ભવ્ય પૂજા દર્શન રાત્રિ ચાર પ્રહર આરતી અને મહાઆરતી સાથે મહાશિવરાત્રિ ઉજવાઈ હતી.
ખંભાળિયા શહેર તથા તાલુકાના શિવમંદિરોમાં ગઈકાલે શિવરાત્રિના સાંજે અનેક સ્થળે ભવ્ય દર્શન સાથે મહા આરતી તથા અનેક શિવ મંદિરોમાં ઘી મહાપૂજાના દર્શનો યોજાયા હતા જેમાં ભાવિકો મોટી સંખ્યામાં ઉમટયા હતા.
ખંભાળિયામાં રામનાથ મહાદેવ મંદિરે વિશિષ્ટ ફૂલ શણગાર સાથે ઘીની મહાપૂજા દર્શન, ખામનાથ મહાદેવમાં પણ ઘી મહાપૂજા તથા વિશિષ્ટ શ્રૃંગાર, પ્રાચીન શ્રી પાળેશ્વર મહાદેવ, શરણેશ્વર મહાદેવ તથા મહાદેવ વાડા વિસ્તારના વિદ્યાશંકર મહાદેવ, સિદ્ધનાથ મહાદેવ, ભીડભંજન મહાદેવ, ભોળેશ્વર મહાદેવ, કોટેશ્વર મહાદેવ વિ. શિવ મંદિરોમાં પણ ભવ્ય શ્રૃંગારના દર્શન યોજાયા હતા. કલ્યાણરાયજી મંદિરમાં કોટેશ્વર મહાદેવ તેની પાછળની શેરીમાં ફાફડેશ્વર મહાદેવ, ગ્રામ્ય પંથકના બજાણામાં કાશી વિશ્વનાથ મહાદેવ, ભરાણામાં ધીંગેશ્વર મહાદેવ, સલાયા પાસે નાગનાથ મહાદેવ, વડત્રા ધીંગેશ્વર મહાદેવ, ભાતેલ ભોળેશ્વર મહાદેવ, શકિતનગરમાં શીરેશ્વર મહાદેવ, ભાણવડ ઈન્દ્રેશ્વર મહાદેવ, બીળેશ્વર મહાદેવ, કિલેશ્વર મહાદેવ દંતેશ્વર મહાદેવ દાત્રાણામાં ભાવિકો ઉમટયા હતા. તથા ભાંગના પ્રસાદ સાથે હર હર મહાદેવની ધૂન બોલાવી હતી તથા રાત્રે ચાર પ્રહર આરતી સવાર સુધી અનેક પ્રાચીન શિવ મંદિરોમાં યોજાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
