Author: નોબત સમાચાર
જામનગરના એરફોર્સ ગેઈટ પાસેથી લઈ જવાતા બે પાડા કરાવાયા મુક્ત
રિક્ષામાં સાથે રહેલા બે શખ્સ સામે ગુન્હોઃ
જામનગર તા. ૬: જામનગરના એરફોર્સ ગેઈટ-ર પાસેથી ગઈકાલે સાંજે પોલીસ તથા પશુપ્રેમી વ્યક્તિઓએ એક રિક્ષા આંતરી હતી. તે રિક્ષામાં લઈ જવાતા બે પાડાને મુક્ત કરાવાયા છે. રિક્ષામાં રહેલા બે શખ્સ સામે ગુન્હો નોંધાયો છે.
જામનગરના એરફોર્સ ગેઈટ નં.૨ પાસેથી ગઈકાલે સાંજે જીજે-૧૦-ટીડબલ્યુ ૫૫૯૪ નંબરની એક રિક્ષા પસાર થતી હતી. તે રિક્ષામાં બે પાડા લઈ જવામાં આવતા હતા. તે રિક્ષાને પશુપ્રેમી વ્યક્તિઓ તથા પોલીસ સ્ટાફે રોકાવી હતી.
ઉપરોક્ત રિક્ષામાં બે પાડા ભરીને લઈ જવાતા હોવાની વિગતો પશુપ્રેમીઓને મળી હતી. ત્યારપછી સિટી સી ડિવિઝન પોલીસને વાકેફ કરાયા પછી પીએસઆઈ વી.બી. બરબસીયા તથા સ્ટાફ દોડી ગયા હતા. તેઓએ એરફોર્સ ગેઈટ નં.ર પાસેથી તે રિક્ષા પકડી પાડી હતી અને રિક્ષામાંથી બંને પાડાને ઉતરાવી રિક્ષામાં રહેલા પટ્ટણીવાડ નજીક પુરબીયા ખડકી પાસે રહેતા રફીક રઝાક અઘવાન અને કસાઈવાડા ચકલામાં રહેતા હુસેન જાનીભાઈ બાબી નામના કસાઈ શખ્સ સામે પશુ પ્રત્યે ઘાતકીપણુ આચરવાની કલમ વગેરે કલમો હેઠળ પરેશભાઈ મોહનભાઈ સાવલીયાની ફરિયાદ પરથી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
