Author: નોબત સમાચાર
જામનગરમાં મતદાન જાગૃતિ રેલીનું નગરભ્રમણઃ રન ફોર વોટ કેમ્પેઈન સંપન્ન
કલેક્ટરે લીલીઝંડી ફરકાવી કરાવ્યું પ્રસ્થાનઃ ડીડીઓ, એસ.પી., મ્યુનિ. કમિશ્નર, વિદ્યાર્થીઓ, જવાનો, નગરજનો જોડાયા
ગુજરાતમાં લોકસભા સામાન્ય ચૂંટણી-ર૦ર૪ અંતર્ગત વધુમાં વધુ લોકો મતદાન કરે તે દિશામાં મતદાન જાગૃતિલક્ષી કાર્યક્રમોનું આયોજન થઈ રહ્યું છે, ત્યારે જામનગરમાં તા. પ-મે ના સવારે ૭ વાગ્યે અજીતસિંહજી ક્રિકેટ પેવેલિયન (ક્રિકેટ બંગલો) થી રન ફોર વોટ કેમ્પેઈન અંતર્ગત રેલી યોજવામાં આવી હતી. જિલ્લા ચૂંટણી અધિકારી અને કલેક્ટર બી.કે. પંડ્યા સહિતના મહાનુભાવોએ લીલીઝંડી આપી રેલીનું પ્રસ્થાન કરાવ્યું હતું. આ રેલીમાં મતદાન જાગૃતિલક્ષી સંદેશાઓ જેવા કે, મતદાન દરેક નાગરિકની ફરજ, મતદાન જરૂર કરો, મારો મત મારો અધિકાર, મારો મત મારૂ ભવિષ્ય જેવા પોસ્ટરો અને બેનરો વિદ્યાર્થીઓ દ્વારા રાખવામાં આવ્યા હતાં અને દેશના તમામ નાગરિકોને અવશ્ય મતદાન કરવાનો સંદેશો આપવામાં આવ્યો હતો. ક્રિકેટ બંગલો, ટાઉનહોલ, તીનબત્તી સર્કલ, લીમડાલેન થઈને ક્રિકેટ બંગલોમાં કાર્યક્રમની પૂર્ણાહુતિ થઈ હતી. જામનગર જિલ્લા વહીવટી તંત્ર દ્વારા આયોજીત આ રેલીમાં જિલ્લા વિકાસ અધિકારી વિકલ્પ ભારદ્વાજ, જિલ્લા પોલીસ વડા પ્રેમસુખ ડેલુ, ડેપ્યુટી મ્યુનિસિપલ કમિશ્નર ડી.એ. ઝાલા, જિલ્લા પુરવઠા અધિકારી બારડ, જિલ્લા રમત વિકાસ અધિકારી બી.જે. રાવલિયા, સ્વીપ નોડલ અધિકારી બી.એન. વિડજા, તાલુકા વિકાસ અધિકારી સરવૈયા, મામલતદાર વિરલ માકડીયા, પદાધિકારીઓ, અધિકારીઓ, સૌરાષ્ટ્ર ઝોન યોગ કોર્ડીનેટર પ્રીતિબેન શુકલ, ડિસ્ટ્રીક્ટ સ્પોર્ટ ઓથોરિટીના ખેલાડીઓ, જામનગર જિલ્લા હોમગાર્ડઝ, શિક્ષકો, વિદ્યાર્થીઓ સહિત જામનગરવાસીઓ બહોળી સંખ્યામાં જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
