ખંભાળિયામાં ઉજવાયો મહાપ્રભુજી વલ્લભાચાર્યજી પ્રાગટ્યોત્સવ

Author: નોબત સમાચાર

ખંભાળિયામાં ઉજવાયો મહાપ્રભુજી વલ્લભાચાર્યજી પ્રાગટ્યોત્સવ

પ્રભાતફેરી, શોભયાત્રા, વરણાંગી, સેવાકુંજ હવેલીમાં વિશેષ દર્શન

ખંભાળિયા તા. ૬: ખંભાળિયામાં શનિવારે મહાપ્રભુજી વલ્લભાચાર્ય પ્રાગટ્ય ઉત્સવની ભવ્ય ઉજવણી થઈ હતી, જેમાં પ્રભાતફેરી, શોભાયાત્રા, વરણાંગીના વિશેષ દર્શન યોજાયા હતાં. ખંભાળિયામાં તાજેતરમાં મહાપ્રભુજી વલ્લભાચાર્યજીના પ૪૭ મા પ્રાગટ્ય ઉત્સવની ભવ્ય ઉજવણી કરવામાં આવી હતી.

ખંભાળિયામાં સેવાકુંજ હવેલીમાં માધવી વહુજી મહારાજના માર્ગદર્શન હેઠળ મનોરથી વિનુભાઈ બરછા દ્વારા ભવ્ય આયોજન થયું હતું. જેમાં સેવાકુંજ હવેલીમાં વિશિષ્ટ દર્શન સાથે સર્વોત્તમ સ્ત્રોતના પાઠ તથા સાંજે વરણાંગી શ્રી વલ્લભાચાર્યજીની નીકળીને શહેરમાં ફરી મહાપ્રભુજીની બેઠકે પૂર્ણ થઈ હતી. જેમાં મોટી સંખ્યામાં બહેનો પીળી તથા કેશરી સાડી સાથે તથા ભાઈઓ તીલક-ધોતી ઉપરણા સાથે જોડાયા હતાં તથા રાસ કરતા આ શોભાયાત્રામાં ગોસ્વામી માધવી વહુજી મહારાજના સાંનિધ્યમાં નીકળી હતી જેનું ભવ્ય સ્વાગત નવી લોહાણા મહાજન વાડી પાસે અગ્રણી બિલ્ડર્સ મિલર્સ કમલેશભાઈ વિઠ્ઠલાણી પરિવાર દ્વારા થયું હતું તથા સેવાકુંજ પાઠશાળાના બાળકો-ભક્તો વૈષ્ણવો જોડાયા હતાં. મહાપ્રભુજીની બેઠકનો વિશેષ શણગાર, લાઈટીંગ, ડેકોરેશન સાથે વિશેષ દર્શન રોહિતભાઈ મુખ્યાજીની આગેવાનીમાં યોજાયા હતાં જેમાં પણ ભક્તો મોટી સંખ્યામાં ઉમટ્યા હતાં.

જો આપને આ પોસ્ટ ગમી હોય તો શેર કરો...