Author: નોબત સમાચાર
ધાર્મિક સ્થાનોના દબાણો હટાવવાની નોટીસો અંગે સ્થાનિક તંત્રની સ્પષ્ટતા
દેવભૂમિ દ્વારકા જિલ્લામાં
ખંભાળીયા તા. ૫: દેવભૂમિ દ્વારકા જિલ્લામાં ખંભાળીયા, ભાણવડ તથા કલ્યાણપુર તાલુકામાં તાજેતરમાં મામલતદારો દ્વારા ધાર્મિક સ્થળોની યાદી બહાર પાડીને તેમને તોડી પાડવા નોટીસો અપાતા સમગ્ર જિલ્લામાં ભારે ઉહાપોહ થયો હતો તથા રાજકીય અગ્રણીઓએ પણ આ બાબતે ઉગ્ર પ્રતિક્રિયાઓ આપી હતી ત્યારે આ બાબતે સરકારી તંત્ર દ્વારા પ્રતિભાવ અપાયો છે.
ખંભાળીયા-ભાણવડના પ્રાંત અધિકારી કે.કે. કરમટાએ એક મુલાકાતમાં જણાવ્યું હતું કે ધાર્મિક દબાણો રસ્તામાં નડતર હોય તેના સંદર્ભમાં હાઈકોર્ટ તથા સુપ્રિમ કોર્ટમાં લીટીગેશન થતાં તેના સંદર્ભમાં આ નોટીસો ધાર્મિક સ્થળોને આપવામાં આવી છે.
આ નોટીસો પછી દબાણો તુરંત તોડવાના નથી પણ રસ્તાને નડતરરૂપ હોય તે દબાણો ધાર્મિક સ્થળો અન્ય સ્થળે સ્થળાંતરીત થઈ શકે છે. નડતર ના હોય અને દબાણ હોય તો તે નિયમિત કરવા માટે અરજી થઈ શકે છે. જો કાયદેસર કાગળો હોય તો રજુઆત સાથે આધાર રજુ થઈ શકે છે. તંત્ર સીધું જ ધાર્મિક સ્થળ તોડી પાડવાનું નથી. લોકોએ અફવાઓમાં ના આવવા પણ જણાવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
