Author: નોબત સમાચાર
દેવભૂમિ દ્વારકા જિલ્લામાં ધાર્મિક સ્થળોના દબાણો દૂર કરવાની નોટીસ અંગે કિસાન કોંગ્રેસ પ્રમુખના પ્રત્યાઘાત
કેટલાય સ્થળો પર તો સરકારની જ ગ્રાન્ટ વાપરવામાં આવી છેઃ
ખંભાળિયા તા. પઃ દ્વારકા જિલ્લામાં ખંભાળિયા, ભાણવડ, કલ્યાણપુર તાલુકામાં મોટી સંખ્યામાં ધાર્મિક સ્થળોને દબાણો દૂર કરવા જે તે મામલતદારો દ્વારા નોટીસો આપવામાં આવતા આ બાબતે ગુજરાત કિસાન કોંગ્રેસ પ્રમુખ પાલભાઈ આંબલિયાએ આકળી પ્રતિક્રિયા આપી છે તથા દ્વારકા જિલ્લા પ્રશાસન અને સરકાર સામે સવાલો ઊઠાવ્યા છે.
તેમણે જણાવેલ કે જે દબાણો હટાવવા નોટીસો અપાઈ છે તેમાં કેટલાયે સ્થળો તો ખૂબ જ જુના આઝાદી પહેલાના સમયના છે. જે આસ્તા ભાઈચારા સૌહાર્દ અને કોમી એખલાસના પ્રતીક છે. જેમને નોટીસો અપાઈ છે તે પૈકી અનેક સ્થળોમાં તો સરકારના ચૂંટાયેલા પ્રતિનિધિઓની ગ્રાન્ટો પણ વપરાય છે. જો ધાર્મિક સ્થળો જ ગેરકાયદે હોય તો ત્યાં ગ્રાન્ટ કેમ વપરાઈ ? ચાલુ વર્ષે પણ રાજ્ય સરકાર દ્વારા દ્વારકા જિલ્લામાં વીસ કરોડ રૂપિયાની ગ્રાન્ટ આવા જ ધાર્મિક સ્થળોમાં મંજુર થઈ છે. સરકારે જો દબાણો દૂરકરવા હોય તો શહેરોમાં કિંમતી જમીનો પરદબાણો દૂર કરવાની શરૂઆત કરવી જોઈએ.
સરકારે દબાણો દૂર કરવા જ હોય તો ઘડી કંપનીએ દ્વારકા જિલ્લામાં જે રાજમાર્ગ બંધ કર્યો તેને ખુલ્લો કરવો જોઈએ. વિન્ડફાર્મ કંપનીઓએ ગેરકાયદે વીન્ડ પોલ ઊભા કરી દબાણો કર્યા ગૌચર સરકારી જમીનમાં તે દૂર કરવા જોઈએ. સરકારના માનીતા માટે ઈમ્પેક્ટ ફી નો કાયદો દબાણ રેગ્યુલર માટે તો ધાર્મિક સ્થળો માટે કેમ નહીં? નામદાર હાઈકોર્ટે સુપ્રિમના ચૂકાદાના અગાઉ અમલ પેન્ડીંગ છે. તેનો અમલ પણ પહેલા કરવા માંગણીસાથે મુખ્યમંત્રીને રજૂઆત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
