Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ફોટા વાયરલની ધમકી આપી સોનાનો હાર પડાવી લીધોઃ
જામનગર તા.૫ : જામનગરના યુવાનને પ્રેમજાળમાં ફદ્બાાવી એક પરિણીતાએ ત્રણેક વર્ષ સુધી ખંખેર્યાે હતો. યુવાનના વાંધાજનક ફોટા વાયરલ કરવાની ધમકી આપી તેણીએ પૈસા કઢાવ્યા પછી રૂ.૧ લાખનો સોનાનો હાર કઢાવી લઈ આ યુવાનના પત્ની તથા બાળકોને ઘરમાં ઘૂસી ગાળો ભાંડી તોડફોડ આચરી જ્ઞાતિ પ્રત્યે હડધૂત કરાતા આખરે મામલો પોલીસ સમક્ષ પહોંચ્યો છે.
આ ચકચારી કિસ્સાની વધુ વિગત મુજબ જામનગરના રણજીતસાગર રોડ પર સાધના કોલોનીમાં વસવાટ કરતા મૂળ કચ્છના આદીપુરના વતની અલ્પેશ ચંદુભાઈ વાળા નામના તુરી બારોટ યુવાને જામનગરના સત્યમ કોલોની વિસ્તારમાં વસવાટ કરતા એક મહિલા તથા પ્રવીણસિંહ ઝાલા અને મહાવીરસિંહ ગોહિલ સામે સિટી એ ડિવિઝન પોલીસ સ્ટેશનમાં હનીટ્રેપ અંગે ફરિયાદ નોંધાવી છે.
ફરિયાદમાં જણાવવામાં આવ્યા મુજબ વર્ષ ૨૦૨૧માં અલ્પેશભાઈના સંપર્કમાં સત્યમ કોલોની નજીકના કૃષ્ણનગરમાં રહેતા પરિણીતા આવ્યા પછી અલ્પેશભાઈને પ્રેમજાળમાં ફસાવી લેવાયા હતા અને તેઓ ના કેટલાક વાંધાજનક ફોટા પાડી લેવાયા હતા.
ત્યારપછી આ ફોટા બતાવી તે પરિણીતાએ અલ્પેશભાઈને બ્લેકમેઈલીંગ શરૂ કર્યંુ હતું. અવારનવાર પૈસા પડાવતા આ મહિલાએ જાનથી મારી નાખવા ધમકી આપી રૂ.૧ લાખની કિંમતનો સોનાનો હાર પણ ઝૂંટવી લીધો હતો અને અલ્પેશભાઈના પત્ની તથા બાળકોને પણ ગાળો ભાંડી ધમકી આપી ઘરમાં ઘૂસી જઈ તે મહિલા તથા પ્રવીણસિંહ ઝાલા અને મહાવીરસિંહ ગોહિલે તોડફોડ કરી નાખી હતી. તેમજ જ્ઞાતિ પ્રત્યે હડધુત કર્યા હતા.
ઉપરોક્ત ગુન્હો પીઆઈ એન.એ. ચાવડાની સૂચનાથી પીએસઆઈ એલ.બી. જાડેજાએ આઈપીસી ૫૦૪, ૫૦૬ (ર), ૩૮૬, ૪૨૭, ૪૪૭, ૧૧૪ હેઠળ ગુન્હો નોંધી આ મહિલા તથા અન્ય બે આરોપીની ધરપકડ માટે ચક્રો ગતિમાન કર્યા છે.
ભોગ બનનાર યુવાને ૫ોતાને થતી હેરાનગતિ અંગે પોલીસ તથા મુખ્યમંત્રી સુધી રજૂઆત કર્યા પછી જામનગર એસપીએ આ ફરિયાદીને ડર્યા વગર ફરિયાદ કરવા માટે આગળ આવવા ઈજન આપ્યું હતું. જેના પગલે ઉપરોક્ત ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial