રાજ્યભરના આરોગ્ય કર્મચારીઓએ ગ્રેડ-પે મુદ્દે ગાંધીનગરમાં શરૂ કર્યો સત્યાગ્રહઃ સૂત્રોચ્ચાર

Author: નોબત સમાચાર

રાજ્યભરના આરોગ્ય કર્મચારીઓએ ગ્રેડ-પે મુદ્દે ગાંધીનગરમાં શરૂ કર્યો સત્યાગ્રહઃ સૂત્રોચ્ચાર

ચૂંટણીના બે વર્ષ પછી સરકાર સામે બાંયો ચડાવી

ગાંધીનગર તા. પઃ ગ્રેડ પે મુદ્દે રાજ્યભરના આરોગ્ય કર્મચારીઓએ ગાંધીનગરમાં હલ્લા બોલ કરીને સૂત્રોચ્ચાર સાથે સત્યાગ્રહ આદર્યો છે.

ગાંધીનગરમાં વિધાનસભાનું સત્ર શરૂ છે. એવામાં ગ્રેડ પે અને ટેકનિકલ ગ્રેડ પે મુદ્દે રાજ્યભરમાં આરોગ્ય કર્મચારીઓ દ્વારા ગાંધીનગર સત્યાગ્રહ છાવણીમાં આંદોલન શરૂ કરવામાં આવ્યું છે. રાજ્યભરના કર્મચારીઓએ આ અગાઉ માસ સીએલની રજા પણ વિભાગ પાસે માંગી છે.

કર્મચારીઓ દ્વારા ગાંધીનગરમાં કરવામાં આવેલા આંદોલનમાં કર્મચારીઓ પોતાની માંગણી રજૂ કરી રહ્યા છે જેમાં ખાતાકીય પરીક્ષા રદ્ કરવી, ટેકનિકલ કર્મચારી ગણી ગ્રેડ પે સુધારવો, ૭ પે મુજબ પીટીએ આપવું, માંગણીઓ સૂત્રોચ્ચારના માધ્યમથી રજૂ કરી રહ્યા છે.

અગાઉ વર્ષ ર૦રર ની વિધાનસભા ચૂંટણી વખતે આંદલનોમાં આરોગ્ય કર્મચારીઓ દ્વારા આંદોલન કરવામાં આવ્યું હતું. જેમાં સરકાર દ્વારા અમુક માંગો સંતોષી આંદોલન સમેટાઈ લેવામાં આવતું હતું હવે ચૂંટણીના બે વર્ષ પછી આરોગ્ય કર્મચારીઓએ ફરી સરકાર સામે બાંયો ચઢાવી છે અને ગાંધીનગરમાં જ્યારે વિધાનસભા સત્ર ચાલે છે ત્યારે આંદોલન શરૂ કરી દીધું છે.

જો આપને આ પોસ્ટ ગમી હોય તો શેર કરો...