એડવોકેટ હત્યા કેસમાં એક સાહેદની વ્યર્થ અરજીના પગલે રૂ.૩ લાખનો દંડ

Author: નોબત સમાચાર

એડવોકેટ હત્યા કેસમાં એક સાહેદની વ્યર્થ અરજીના પગલે રૂ.૩ લાખનો દંડ

હાઈકોર્ટમાં સાહેદે કરી હતી અરજીઃ

જામનગર તા.૫ : જામનગરના ચકચારી હત્યા કેસના એક સાહેદે ચાર્જશીટમાં પોતાનું નામ સાહેદ તરીકે દર્શાવાયું છે તેમ જણાવી પોતે નિવેદન નથી આપ્યંુ તેમ ઉમેરી હાઈકોર્ટમાં અરજી કરી પોતાનું નિવેદન દૂર કરવાની માગણી કરી હતી. અદાલતે આ સાહેદને રૂ.૩ લાખનો દંડ ભરવા હુકમ કર્યાે છે.

જામનગરના ટાઉનહોલ વિસ્તારમાં વર્ષ ૨૦૧૮ના એપ્રિલ મહિનામાં એડવોકેટ કિરીટભાઈ જોષીની અજાણ્યા શખ્સોએ હત્યા નિપજાવી હતી. તેની ફરિયાદ મૃતકના ભાઈ એડવોકેટ અશોક જોષીએ પોલીસમાં કરી હતી અને આરોપી જયેશ ઉર્ફે જયસુખ મુળજીભાઈ રાણપરીયા વગેરે સામે ગુન્હો નોંધાયો હતો.

ત્યારપછી શરૂ થયેલી તપાસમાં જે તે વખતના તપાસનીશ અધિકારીએ મુંબઈના સાગર બાલા જગન્નાથ પંચાલ ઉર્ફે સાવીયા નામના શખ્સનંુ નિવેદન લઈ ચાર્જશીટમાં આ શખ્સને સાહેદ તરીકે દર્શાવ્યો હતો.

ઉપરોક્ત બાબતને છ વર્ષ વીત્યા પછી સાગર ઉર્ફે સાવીયાએ ગુજરાત હાઈકોર્ટમાં અરજી કરી તેમાં જણાવ્યું હતું કે, તેણે તપાસનીશ સમક્ષ કોઈ નિવેદન લખાવ્યું નથી તેથી તેનું નામ સાહેદમાંથી દૂર કરવામાં આવે. તે અરજી અન્વયે હાઈકોર્ટે ટીપ્પણી કરી છે કે, આ બાબત માટે ટ્રાયલ કોર્ટનો સંપર્ક કરવાનો હતો તેના બદલે હાઈકોર્ટમાં વ્યર્થ અરજી કરાઈ છે તેમજ સાહેદોને કેવી રીતે ખબર પડી કે તેઓના નિવેદન ચાર્જશીટમાં સાહેદ તરીકે દર્શાવ્યા છે? હાઈકોર્ટે આ સાહેદને હાઈકોર્ટે રૂ.૩ લાખનો દંડ ફટકાર્યાે છે.

ઉલ્લેખનીય છે કે, હાઈકોર્ટે અગાઉ કમલેશ ગોવિંદ પટેલ, દિનેશ જયંતિ સોઢા, સતિષ નંદકિશોર શાહ, સાયમન્ડ લુઈસ દેવીનાદન, અજય પાલસિંહ ઉર્ફે બોબી ઉમેદસિંહ પવારને પણ રૂ.૧-૧ લાખનો દંડ ભરવા હુકમ કર્યાે હતો.

જો આપને આ પોસ્ટ ગમી હોય તો શેર કરો...