Advertisement
Author: નોબત સમાચાર

કચ્છના કટારિયા બ્રિજ પાસે સાત વાહનો એકબીજા સાથે અથડાતા એકનું મૃત્યુઃ અનેકને ઈજા

ગોધરા નેશનલ હાઈવે ૫ર અક્સ્માતોની વણથંભી વણઝાર

ભૂજ તા. ૫: કચ્છના કટારિયા બ્રિજ નજીક નેશનલ હાઈ-વે પર સાત વાહનો પરસ્પર ટકરાતા ઘણાં લોકોને નાના-મોટી ઈજા થઈ છે, જ્યારે એકનું મૃત્યુ થયું છે.

કચ્છમાં એક સાથે સાત વાહનો વચ્ચે ટક્કર થતાં ભયંકર અકસ્માત સર્જાયો. નેશનલ હાઇવે પર અકસ્માતની વણથંભી વણઝાર જોવા મળી. સાત વાહનોની અથડામણ થતા સર્જાયેલ અકસ્માતમાં એક વ્યક્તિનું ઘટનાસ્થળે મોત નિપજયું જયારે અન્ય લોકોને નાની મોટી ઇજાઓ પહોંચી છે. હાઇવે પર એકસાથે સાત અકસ્માત થતાં નેશનલ હાઇવે પર ટ્રાફિક જામ સર્જાયો હતો. નેશનલ હાઈવે પર એકસાથે સાત વાહનોની અથડામણ થવાની ઘટનાની માહિતી મળતાં જ પોલીસ ટીમ સાથે રવાના થઈ હતી.

કચ્છનો નેશનલ હાઈવે ગોઝારો બન્યો. વહેલી સવારે સામખિયાળી માળિયાના નેશનલ હાઇવે પર એક પછી એક એક એમ સતત સાત વાહનોની ટક્કર થઇ. કટારીયા બ્રિજ નજીકના હાઇવે પર ટ્રેલર પાછળ ટ્રક અને ટ્રક પાછળ ટેમ્પો બાદ એસટી બસ સહિત નાના વાહનો મળી કુલ સાત વાહનોની અથડામણ થતાં ગંભીર અકસ્માત સર્જાયો. સાત વાહનોની ટક્કરના અકસ્માતમાં એક વ્યક્તિનું ઘટના સ્થળે મોત નિપજયું. હાઇવે પર થયેલ આ ભયાનક અથડામણની આસપાસના સ્થાનિકોને જાણ થતાં વહેલી સવાર હોવા છતાં લોકોની ભારે ભીડ ભેગી થઈ ગઈ હતી. સ્થાનિકોએ તાત્કાલિક અકસ્માતમાં ફસાયેલા લોકોને બહાર કાઢવાનો પ્રયાસ કરતાં પોલીસને ઘટનાની માહિતી આપવા સાથે ૧૦૮ એમ્બ્યુલન્સને પણ જાણ કરી હતી.

અકસ્માતમાં ટ્રકનો આગળના ભાગનો ખુરદો બોલાઈ ગયો છે. જ્યારે પાછળ આવતી ગુજરાતની એસટી બસમાં આગળના કાચનો ભાગ બહુ ખરાબ રીતે તૂટી ગયો છે. બસમાં કેટલા લોકો મુસાફરી કરતાં હતા તેને લઈને હજુ કોઈ માહિતી સામે આવી નથી. તેમજ એસટી બસની પાછળ આવતા નાના વાહનો પણ એક પછી એક અથડાતા નેશનલ હાઇવે પર સાત વાહનોની ભયંકર અથડામણ થઈ. પોલીસે ઘટનાસ્થળ પર પંહોચી મૃતકના મૃતદેહને હોસ્પિટલ માટે મોકલી આપ્યો અને અકસ્માતનો ગુનો નોંધી વધુ તપાસ હાથ ધરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh