ધાર્મિક સ્થળોના દબાણો હટાવવાની નોટીસો તત્કાળ પાછી ખેંચવા આમઆદમી પાર્ટીની માંગણી

Author: નોબત સમાચાર

ધાર્મિક સ્થળોના દબાણો હટાવવાની નોટીસો તત્કાળ પાછી ખેંચવા આમઆદમી પાર્ટીની માંગણી

"આપ" ના પ્રદેશ પ્રમુખ ઈશુદાન ગઢવીની મુખ્યમંત્રીને રજૂઆત

ખંભાળીયા તા. પઃ દ્વારકા જિલ્લાના તાલુકા મામલતદાર દ્વારા સામૂહિક રીતે ધાર્મિક સ્થળો પરના દબાણો દૂર કરવા માટે નોટીસો આપી તેના સંદર્ભમાં આમઆદમી પાર્ટીના પ્રમુખ ઈશુદાન ગઢવીએ રાજ્યના મુખ્યમંત્રીને ધાર્મિક સ્થળો પરના દબાણો તોડવાની નોટીસો પાછી ખેંચવા ઉગ્ર રજૂઆત કરી છે.

તેમણે જણાવેલ કે, ધાર્મિક સ્થળો તોડવાનો ગુજરાતમાં કાર્યક્રમ ચાલી રહ્યો છે. તે માત્ર દ્વારકા જિલ્લામાં જ ચાલી રહ્યો છે. દ્વારકામાં નોટીસો અપાઈ છે, તે તાકીદે પરત ખેંચવા માંગણી કરી છે. કેટલાક આઝાદી પહેલાના સ્થળોને પણ નોટીસો આપવામાં આવી છે, તો શું દેશની ધરોહર નાશ કરવાનો આ કાર્યક્રમ ચાલે છે કે શું...? ગત્ વર્ષે તથા આ વર્ષમાં પણ મંદિરો તોડાયા છે ત્યારે તોડવા બદલ માફી માંગી યોગ્ય વળતર ચૂકવવા માંગ કરાઈ છે. તથા સરકાર કોર્ટના આદેશોનો અમલ કરે, પણ આટલી ઝડપથી બીજા નિર્ણયોનો અમલ કરાય છે...? ઉદ્યોગપતિને અપાયેલી જમીનો પર પર્યાવરણને નુકસાન કરતી સંસ્થાઓ પર બુલડોઝરો કેમ નહીં...? ધાર્મિક સ્થળો પર જ શા માટે...? તેમ કહીને ઉગ્ર વિરોધ વ્યક્ત કર્યો હતો.

જો આપને આ પોસ્ટ ગમી હોય તો શેર કરો...