મહાપ્રભુજી બેઠકથી ઠેબા ચોકડી તરફનો એકબાજુનો રસ્તો બે માસ માટે બંધ રહેશે

Author: નોબત સમાચાર

મહાપ્રભુજી બેઠકથી ઠેબા ચોકડી તરફનો એકબાજુનો રસ્તો બે માસ માટે બંધ રહેશે

ભૂગર્ભ ગટરની કામગીરી માટે

જામનગર તા. પઃ કાલાવડ રોડ ઉપર મહાપ્રભુજીની બેઠકથી ઠેબા ચોકડીવાળો રસ્તો ભૂગર્ભ ગટરની કામગીરીના કારણે એક તરફનો માર્ગ આજથી બે માસ માટે બંધ કરવામાં આવ્યો છે.

મહાપ્રભુજી બેઠકથી ઠેબા ચોકડીવાળા મુખ્ય રસ્તા ઉપર રાધિકા સ્કૂલ પાસે ૪૫ મીટર ટીપી રોડથી શ્યામગ્રીન સોસાયટીના ગેઈટ સુધીના મુખ્ય રસ્તા સુધી જામનગરથી કાલાવડ તરફ ડીવાઈડરની ઉતર દિશા તરફના માર્ગમાં ભૂગર્ભ ગટરની પાઈપલાઈન નાખવાની કામગીરી ચાલી રહી છે. આથી સલામતીના ભાગરૂપે અને અકસ્માત નિવારવાના હેતુથી તા. પ-૩-ર૦રપ થી તા. ૪-પ-ર૦રપ સુધી એટલે કે બે માસ માટે વાહન વ્યવહાર બંધ રાખવા માટે મ્યુનિ. કમિશ્નર દ્વારા જાહેરનામું પ્રસિદ્ધ કરવામાં આવ્યું છે. આ નિયમનો ભંગ કરનાર સામે નિયમોનુસાર કાર્યવાહી કરવામાં આવશે.

મહાપ્રભુજી બેઠકજીથી ઠેબા ચોકડીવાળા મુખ્ય રસ્તા ઉપર રાધિકા સ્કૂલ પાસે ૪પ મીટર ટીપી રોડથી શ્યામ ગ્રીન સોસાયટીના ગેઈટ સુધીના મુખ્ય રસ્તા સુધી જામનગરથી કાલાવડ તરફ જતા રસ્તાની મધ્યરેખા પરના રોડ ડિવાઈડરની ઉત્તર દિશા તરફનો રસ્તો બંધ રહેશે. જેની વૈકલ્પિક વ્યવસ્થા માટે મહાપ્રભુજી બેઠકથી ઠેબા ચોકડીવાળા માર્ગ રાધિકા સ્કૂલ પાસે ૪૫ મીટર ટી.પી. રોડથી શ્યામ ગ્રીન સોસાયટી ગેઈટ સુધી મુખ્ય રસ્તા સુધી જામનગરથી કાલાવડ તરફ જતા રસ્તાથી મધ્યરેખા પરના રોડ ડિવાઈડરની દક્ષિણ દિશા તરફનો રસ્તો વાહન-વ્યવહાર માટે ખૂલ્લો રહેશે.

જો આપને આ પોસ્ટ ગમી હોય તો શેર કરો...