સલાયામાં પાંચ કુખ્યાત શખ્સના ઘેર પોલીસ-વીજ કંપની દ્વારા કરાયું ચેકીંગ

Author: નોબત સમાચાર

સલાયામાં પાંચ કુખ્યાત શખ્સના ઘેર પોલીસ-વીજ કંપની દ્વારા કરાયું ચેકીંગ

ચાર સ્થળેથી પકડાઈ ત્રણ લાખથી વધુની વીજચોરીઃ

જામનગર તા.રર : સલાયામાં ગઈકાલે પોલીસે પાંચ કુખ્યાત શખ્સના રહેણાંક સ્થળે વીજ કંપનીની ટીમને સાથે રાખી હાથ ધરેલી ચકાસણીમાં ચાર સ્થળેથી રૂ.૩ લાખ ઉપરાંતની વીજ ચોરી ઝડપાઈ ગઈ છે. એક વાહન પણ ડીટેઈન કરાયું છે.

સમગ્ર રાજ્યમાં અસામાજિક તત્ત્વો સામે શરૂ કરવામાં આવેલી પોલીસની ઝુંબેશ અંતર્ગત દેવભૂમિ દ્વારકા જિલ્લાના એસપી નિતેશ પાંંડેય અને ડીવાયએસપી હાર્દિક પ્રજાપતિના માર્ગદર્શન હેઠળ ગઈકાલે સલાયા મરીન પોલીસ સ્ટેશનના પીઆઈ વી.એ. રાણા, બી.જે. સરવૈયાએ વીજ કંપનીની ટીમને સાથે રાખી કેટલાક શખ્સોના ઘેર ચકાસણી કરાવી હતી.

જેમાં વારંવાર ગુન્હો કરવાની આદત ધરાવતા અને ગુજસી ટોક જેવા ગંભીર ગુન્હામાં સંડોવાયેલા આરોપી એજાઝ રઝાક સંઘાર, રીઝવાન રઝાક, અકબર રઝાન સંઘાર, શબ્બીરહુસેન ગુલામહુસેન સુંભણીયા, અબ્દુલકરીમ સલીમ ભગાડને ત્યાં ચકાસણી કરાતા ગેરકાયદે મેળવાયેલુ વીજ જોડાણ મળી આવ્યું હતું.

ચાલીસ સ્થળેથી વીજ કંપનીની ટીમે જોડાણ કાપી નાખી રૂ.૩ લાખ ૨૦ હજારનું બીલ ફટકાર્યું છે. આ સ્થળેથી એક વાહન પણ એમવી એક્ટ હેઠળ ડીટેઈન કરાયું છે.

જો આપને આ પોસ્ટ ગમી હોય તો શેર કરો...