Advertisement
Author: નોબત સમાચાર

ધુંવાવ પાસે ભૂગર્ભ ગટરની કામગીરી માટે એક તરફનો માર્ગ વધુ બે માસ માટે બંધ

જામનગર-રાજકોટ ધોરીમાર્ગ પર આવેલા

જામનગર તા. ૨૨: જામનગર-રાજકોટ ધોરીમાર્ગ પર ધુવાવ ગામ નજીકના પુર્ણેશ્વર  મહાદેવ મંદિર પાસેના ભૂગર્ભ  ગટરની કામગીરી કરવામાં આવી રહી હોવાથી એક તરફનો રસ્તો બંધ રાખવાનું જાહેરનામું પ્રસિદ્ધ કરવામાં આવ્યું છે તેની મુદત બે માસ માટે લંબાવવામાં આવી છે.

જામનગર મહાનગર પાલિકાના કમિશનર દ્વારા  બી.પી.એમ.સી. એક્ટ ૧૯૪૯ની કલમ-૨૩૬ની જોગવાઈ હેઠળ મળેલ સત્તાની રૂએ જાહેરનામાનું પ્રસિદ્ધ કરવામાં આવ્યું છે. જેમાં, જામનગર મહાનગર પાલિકાની હદમાં ધુંવાવ ગામ પાસે જામનગર - રાજકોટ મુખ્ય રસ્તા પાસે પૂર્ણશ્વર મહાદેવ મંદિરથી હાપા રેલવે સ્ટેશનવાળા મુખ્ય રસ્તા સુધી રાજકોટથી જામનગર આવતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફના રસ્તામાં ભૂગર્ભ ગટરની મુખ્ય પાઈપ લાઈન નાખવાની કામગીરી અનુસંધાને સલામતીના ભાગરૂપે તેમજ અકસ્માત નિવારવાના હેતુથી તા.૨૭-૧૨-૨૦૨૪ થી તા.૨૬-૦૩-૨૦૨૫ એટલે કે, ૩ માસ સુધી તમામ વાહન વ્યવહાર બંધ રાખવા જાહેર નોટીસ બહાર પાડવામાં આવેલ હતી. જે જાહેરનામાની નવી સમયમર્યાદા તા.૨૭-૦૩-૨૦૨૫થી તા.૨૬-૦૫-૨૦૨૫ એટલે કે, ૨ માસ સુધી લંબાવવાનો હુકમ કરવામાં આવ્યો છે. જે કોઈ વ્યક્તિ આ હુકમનો ભંગ કરશે તેની સામે બી.પી.એમ.સી. એક્ટ ૧૯૪૯ કલમ અનુસાર દંડની કાર્યવાહી કરવામાં આવશે.

 ધુંવાવ ગામ પાસે જામનગર રાજકોટ મુખ્ય રસ્તા પાસે પૂર્ણશ્વર મહાદેવ મંદિરથી હાપા રેલવે સ્ટેશનવાળા મુખ્ય રસ્તા સુધી રાજકોટથી જામનગર આવતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફનો રસ્તો બંધ રહેશે. જેની વૈકલ્પિક વ્યવસ્થા માટે ધુવાવ ગામ પાસે જામનગર રાજકોટ મુખ્ય રસ્તા પાસે પૂર્ણશ્વર મહાદેવ મંદિરથી હાપા રેલવે સ્ટેશનવાળા મુખ્ય રસ્તા સુધી રાજકોટથી જામનગર આવતા રસ્તાની મધ્યરેખા પરના રોડ ડિવાઈડરની ઉત્તર દિશા તરફનો રસ્તો પરિવહન માટે ખુલ્લો રહેશે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh