Advertisement
Author: નોબત સમાચાર

જામનગરમાં કાલાવડ નાકા બહાર નદીના પટના ગેરકાયદે બાંધકામનું નિરીક્ષણ

રિવરફ્રન્ટ પ્રોજેક્ટની તૈયારીઃ

જામનગર તા. રરઃ જામનગરમાં નદીપટના રિવર ફ્રન્ટ માટે નડતરરૂપ દબાણો અંગેના સર્વે માટે ગઈકાલે મ્યુનિ. કમિશનર પોતાની ટીમ સાથે સ્થળ ઉપર પહોંચ્યા હતાં. આવા આશરે ૩૦૦ જેટલા કાચા-પાકા બાંધકામધારકોને નોટીસ આપવામાં આવી રહી છે, અને તેમને આધાર-પુરાવા રજૂ કરવા નોટીસોમાં જણાવાયું છે અન્યથા આવા બાંધકામ તોડી પાડવાની કામગીરી આગામી સમયમાં હાથ ધરવામાં આવશે.

રંગમતિ નદીના રિવર ફ્રન્ટ પ્રોજેક્ટની કામગીરી કરવાની હોવાથી નદીના પટમાં ખડકાયેલા ગેરકાયદે બાંધકામોને નોટીસ આપવામાં આવી રહી છે. લગભગ ૩૦૦ જેટલા બાંધકામો રિવર ફ્રન્ટ પ્રોજેક્ટમાં નડતર રૂપ છે.

આથી આવા દબાણો અંગે સર્વે નિરીક્ષણ માટે ગઈકાલે મ્યુનિ. કમિશનર ડી.એન. મોદીએે સ્થળ મુલાકાત લીધી હતી અને કેટલા દબાણો છે? અંગેની વિગતો જાણી હતી, જો કે આવા બાંધકામોને મહાનગરપાલિકા દ્વારા નોટીસો પાઠવાઈ રહી છે અને તેમને જરૂરી આધાર-પુરાવા રજૂ કરવા જણાવાયું છે.

નોટીસોની કાર્યવાહી પૂર્ણ થયા પછી તેમને સાંભળી દસ્તાવેજો ચકાસ્યા પછી પાડપોડની કામગીરી હાથ ધરવામાં આવશે અને ત્યારપછી રીવર ફ્રન્ટ પ્રોજેક્ટને મંજુરી મળ્યા પછી કામગીરી શરૂ કરાશે.

કમિશનરની ગઈકાલની મુલાકાત સમયે ડી.એમ.સી. દેવેન્દ્રસિંહ ઝાલા, સિટી ઈજનેર ભાવેશ જાની, ઉપરાંત મુકેશ વરણવા, કટેશિયાભાઈ વગેરે પણ જોડાયા હતાં.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh