Author: નોબત સમાચાર
જામનગરમાં સમસ્ત તળપદા કોળી સમાજ (કતપરવાળા) દ્વારા આવતીકાલે સમૂહ લગ્નોત્સવ
મહાનુભાવોની ઉપસ્થિતિમાં ૧૬ નવદંપતી લગ્નગ્રંથીથી જોડાશેઃ
જામનગર તા. રરઃ જામનગરમાં શ્રી સમસ્ત તળપદા કોળી સમાજ કતપરવાળા દ્વારા આવતીકાલ તા. ર૩-૩-ર૦રપ ના જામનગરના નાગ્શ્વર વિસ્તારમાં દસમા સમૂહ લગ્ન સમારોહનું આયોજન કરવામાં આવ્યું છે. જેમાં જામનગર સહિત ગુજરાતભરના કોળી સમાજના અગ્રણીઓ તેમજ અન્ય મહાનુભાવો વગેરેની ઉપસ્થિતિમાં ૧૬ નવદંપતી લગ્રગ્રંથી જોડાશે. અખિલ ભારતીય કોળી સમાજ દિલ્હીના પ્રમુખ તેમજ જામનગર સમસ્ત તળપદા કોળી સમાજના પ્રમુખ હિતેષભાઈ નરસિંભાઈ બાંભણિયાની આગેવાનીમાં સમગ્ર લગ્ર સમારોહનું આયોજન કરવામાં આવ્યું છે.
આ સમૂહલગ્ન સમારોહનો પ્રારંભ ભાવનગરના સાંસદ તેમજ ભારત સરકારના કેન્દ્રિય મંત્રી નિમુબેન બામણિયાના હસ્તે કરવામાં આવશે, જ્યારે મુખ્ય અતિથિ તરીકે ગુજરાત રાજ્યના મંત્રી પરસોત્તમભાઈ સોલંકી, તેમજ રાજુલાના ધારાસભ્ય હીરાભાઈ સોલંકી, મહુવાના ધારાસભ્ય શિવાભાઈ ગોહિલ, ચોટીલાના ધારાસભ્ય શામજીભાઈ ચૌહાણ, ધંધુકાના ધારાસભ્ય કાળુભાઈ ડાભી, ઉપરાંત જામનગર જિલ્લાના સાંસદ પૂનમબેન માડમ, જૂનાગઢ જિલ્લાના સાંસદ રાજેશભાઈ ચુડાસમા, નગરના ધારાસભ્ય દિવ્યેશભાઈ અકબરી અને રિવાબા જાડેજા ઉપરાંત અખિલ ગુજરાત લોહાણા સમાજના પ્રમુખ જીતુભાઈ લાલ ઉપસ્થિત રહેશે.
સમસ્ત તળપદા કોળી સમાજના અન્ય શ્રેષ્ઠીઓ-દાતાઓ વગેરેના સહયોગથી વર-કન્યાના શાસ્ત્રોક્ત વિધિથી લગ્ર વિધિ કરાવ્યા પછી અનેક ભેટ સોગાદો સાથેનું કરિયાવરણ અપાશે. વર-કન્યા તેમજ સમાજના અગ્રણીઓ વગેરે માટે સમૂહ ભોજન સમારોહનું પણ આયોજન કરાયું છે. જામનગરના નાગેશ્વર વિસ્તારમાં આવેલ બાપા સીતારામ ગુરૂ આશ્રમમાં સમગ્ર સમારોહ યોજાઈ રહ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x434~3.jpeg)
 (25)_copy_800x533~5.jpeg)
