જામનગરમાં ખંભાળિયા માર્ગે સ્વામિનારાયણ મંદિર પાસે એક તરફનો રસ્તો વાહનો માટે બંધ

Author: નોબત સમાચાર

જામનગરમાં ખંભાળિયા માર્ગે સ્વામિનારાયણ મંદિર પાસે એક તરફનો રસ્તો વાહનો માટે બંધ

ભૂગર્ભ ગટરની પાઈપલાઈનની કામગીરીના કારણે

જામનગર તા. ૨૨: જામનગર - ખંભાળિયા માર્ગે સ્વામિનારાયણ મંદિર પાસે ચાલતી ભૂગર્ભ ગટરની પાઇપલાઇનની કામગીરીના અનુસંધાને એક તરફનો માર્ગ માટે બંધ કરવાનું જાહેરનામું અમલમાં છે. તેની મુદત વધુ ત્રણ માસ માટે લંબાવવામાં આવી છે. જે અંગે મ્યુનિસિપલ કમિશનર દ્વારા સતાવાર જાહેરનામુ પ્રસિદ્ધ કરવામાં આવ્યું છે.

જામનગર મહાનગર પાલિકા કમિશનર દ્વારા બી.પી.એમ.સી. એક્ટની કલમની જોગવાઈ હેઠળ મળેલ સત્તાની રૂએ જાહેરનામુ પ્રસિદ્ધ કરવામાં આવ્યું છે.જેમાં જામનગર મહાનગર પાલિકાની હદમાં રામર્પણ હોસ્પિટલ પાસે રામર્પણ સર્કલથી જામનગર જામખંભાળિયા બાયપાસ સર્કલ સુધીના રસ્તા પર આવેલ સ્વામીનારાયણ મંદિરના ગેટ સુધી જામનગરથી જામખંભાળિયા જતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફના રસ્તામાં ભૂગર્ભ ગટરની મુખ્ય પાઈપ લાઈન નાખવાની કામગીરી અનુસંધાને સલામતીના ભાગરૂપે તેમજ અકસ્માન નિવારવાના હેતુથી તા.૨૬-૧૨-૨૦૨૪થી તા.૨૫-૦૩-૨૦૨૫ એટલે કે, ૩ માસ સુધી તમામ વાહન વ્યવહાર બંધ રાખવા જાહેર નોટીસ બહાર પાડવામાં આવી હતી જે જાહેરનામાની નવી સમય મર્યાદા તા.૨૬-૦૩-૨૦૨૫ થી તા.૨૫-૦૬-૨૦૨૫ એટલે કે, ૩(ત્રણ) માસ સુધી લંબાવવા માં.આવી છે. જે કોઈ વ્યક્તિ આ હુકમનો ભંગ કરશે તેની સામે ધી બી.પી.એમ.સી. એક્ટની કલમ અનુસાર દંડની કાર્યવાહી કરવામાં આવશે.

સમર્પણ હોસ્પિટલ પાસે સમર્પણ સર્કલથી જામનગર જામખંભાળિયા બાયપારા સર્કલ સુધીના રસ્તા પર આવેલ સ્વામિનારાયણ મંદિરના ગેટ સુધી જામનગરથી જામખંભાળિયા જતા રસ્તાની મધ્યરેખા પરના રોડ ડિવાઈડરની દક્ષિણ દિશા તરફનો રસ્તો બંધ રહેશે. જેની વૈકલ્પિક વ્યવસ્થા માટે સમર્પણ હોસ્પિટલ પાસે સમર્પણ સર્કલથી જામનગર-જામખંભાળિયા બાયપાસ સર્કલ સુધીના રસ્તા પર આવેલ સ્વામિનારાયણ મંદિરના ગેટ સુધી જામનગરથી જામખંભાળિયા જતા રસ્તાની મધ્યરેખા પરના રોડ ડિવાઈડરની ઉત્તર દિશા તરફનો રસ્તો પરિવહન માટે ખુલ્લો રહેશે.

જો આપને આ પોસ્ટ ગમી હોય તો શેર કરો...