Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ચાર દિવસમાં ૨૦૦થી વધુ મકાનમાં કરાવાયું વીજ ચેકીંગઃ રૂ.૩ કરોડની વીજચોરી ઝડપાઈ ગઈઃ
જામનગર તા.૨૨ : જામનગર શહેર-જિલ્લામાં બુટલેગરો તેમજ અસામાજિક તત્વો પર તૂટી પડેલી પોલીસે ૨૮૫ તત્ત્વોના લીસ્ટને તૈયાર કરી લીધુ છે. તે ઉપરાંત છેલ્લા ચારેક દિવસમાં ૨૦૦થી વધુ શખ્સના મકાનોમાં વીજ ટૂકડીને સાથે રાખી કરાયેલા વીજ ચેકીંગમાં રૂ.૩ કરોડથી વધુની વીજચોરી પકડી પાડવામાં આવી છે. ગઈકાલે એક જ દિવસમાં ૧૧૪ શખ્સ સામે પોલીસે એક્શન લીધા હતા.
જામનગર જિલ્લા પોલીસ દ્વારા એસપી પ્રેમસુખ ડેલુની સૂચનાથી અસામાજિક તત્ત્વોને નાથવા વ્યાપક ઝુંબેશ શરૂ કરવામાં આવી છે. છેલ્લા ચાર દિવસથી કેટલાક 'છાપેલા કાટલા' સામે કડક હાથે કામ કરવામાં આવી રહ્યું છે.
રાજ્યના મુખ્ય પોલીસવડા વિકાસ સહાયની સૂચના અને ગૃહમંત્રી હર્ષ સંઘવીએ ૧૦૦ કલાકમાં આવા શખ્સોના લીસ્ટ તૈયાર કરવા આપેલી સૂચનાના પગલે રાજ્યના દરેક જિલ્લામાં પોલીસ શોધી શોધીને આડા અવળા કામ કરતા શખ્સોને બોલાવી રહી છે. જેમાં જામનગર શહેરના ૨૮૫ શખ્સ ના લીસ્ટને તૈયાર કરી લેવામાં આવ્યું છે.
તે ઉપરાંત છેલ્લા ચાર દિવસમાં પોલીસે વીજ કંપનીની ટૂકડીઓને સાથે રાખી બુટલેગરો તેમજ કેટલાક કુખ્યાત શખ્સોના મકાનોમાં ચકાસણી કરાવી હતી. અંદાજે ૨૦૦થી વધુ મકાનની ચકાસણીમાં ૧૧૪ સ્થળેથી વીજચોરી મળી આવી હતી.
વીજચોરી ઝડપાયા પછી જામનગરના વીજ પોલીસ મથકમાં ૩૩૨ જેટલા ગુન્હા નોંધાયા છે. ગઈકાલે એક જ દિવસમાં ૧૧૪ સામે એક્શન લેવામાં આવ્યા છે. અત્યાર સુધીમાં કુલ રૂપિયા ત્રણેક કરોડની વીજચોરી પકડી પાડી તેના ધારકોને પુરવણી બીલ આપી દેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial