દેવભૂમિ દ્વારકા જિલ્લા પોલીસ તંત્ર દ્વારા અધધ અસામાજિક તત્ત્વોની યાદી તૈયાર

Author: નોબત સમાચાર

દેવભૂમિ દ્વારકા જિલ્લા પોલીસ તંત્ર દ્વારા અધધ અસામાજિક તત્ત્વોની યાદી તૈયાર

કેટલાક વીજજોડાણોને કાપી નાંખવામાં આવ્યાઃ

ખંભાળિયા તા. ર૨: ગુજરાત રાજ્યના ગૃહમંત્રી હર્ષ સંઘવી તથા રાજ્ય પોલીસ વડા વિકાસ સહાયના આદેશથી સમગ્ર રાજ્યમાં પોલીસ દ્વારા પોતાના વિસ્તારોમાં ત્રાસ ફેલાવનારા લોકોની યાદી તૈયાર કરીને તેની સામે આકરા પગલાનું આયોજન શરૂ કરવામાં આવ્યું છે.

દેવભૂમિ દ્વારકા જિલ્લા પોલીસ વડા નીતેશ કુમાર પાંડેએ એક મુલાકાતમાં જણાવેલ કે દ્વારકા જિલ્લાના ચારેય તાલુકા ખંભાળિયા, ભાણવડ, કલ્યાણપુર તથા દ્વારકાના તમામ પોલીસ સ્ટેશનોમાં તેમના વિસ્તારોના અસામાજિક તત્ત્વો તથા ત્રાસ ફેલાવનારાઓની યાદી તૈયાર કરવામાં આવી છે. જેની ર૦૦ ની સંખ્યાની છે. ગઈકાલે જ આ આસામીઓના ઘરની તપાસ વીજ કનેક્શનો કાપવા કાર્યવાહી થઈ હતી. ટૂંક સમયમાં આગળની કાર્યવાહી પણ હાથ ધરવામાં આવશે.

મળતી વિગત પ્રમાણે ગુજરાતના અન્ય શહેરોમાં જેમ આવા અસામાજિક તત્ત્વોના ઘર તથા દુકાન વિગેરે ગેરકાયદે હોય તેના ડિમોલીશન કરવામાં આવ્યા હતાં. તેવું ખંભાળિયા તથા દ્વારકા જિલ્લામાં પણ થાય તો નવાઈ નહીં. હાલ તો આવા અસામાજિક તત્ત્વોની યાદી બનતા તથા તેના સામે પગલાં શરૂ થતા માથાભારે તત્ત્વોમાં સોપો પડી ગયો છે.

જો આપને આ પોસ્ટ ગમી હોય તો શેર કરો...